Qaraǵandyda sibir jarasyna baılanysty karantınge jabylǵan Erkindik aýylynda  elý jyldan beri ólekseler kómilip kelgen qorshaýsyz  mal qorymy tabyldy. Arnaıy mamandar qazir juqpaly indet taralýy múmkin delingen  qaýipti jerdiń jalpy aýmaǵyn anyqtap jatyr, - dep habarlaıdy Qamshy.kz 31-arnaǵa silteme jasap..

Mal ólekseleri kómilgen jer  sibir jarasynyń taraýyna  sebep bolýy múmkin degen boljamdy mamandardyń ózderi aıtyp otyr.  Óıtkeni, jergilikti úsh myńnan astam iri qara dál sol jerde emin-erkin jaıylyp kelgen. Aýyldan  on shaqyrym jerde 1966-1970 jyldary sibir jarasynan ólgen maldar jerlengen eken. Qazir qajetti synamalar alynyp, zerthanaǵa jiberilipti. Al 21 maýsymnan beri karantınge jabylǵan Erkindik aýylynda 3600 bas malǵa sibir jarasyna qarsy ekpeler jasalyp, 24 myń sharshy metr jer,  túgeldeı zalalsyzdandyryldy.

MARAT MUHTAROV, Veterınarlyq baqylaý komıteti  Qaraǵandy oblysy boıynsha ınspeksıasynyń jetekshisi:

- Birinshi baǵytymyz sibir jarasy deıdi, kómilgen jerden juqqan shyǵar. Bul aýrýdyń ózine tán qasıeti bul topyraqta bolady únemi. Sibir jarasyn anyqtaý ol bir. Búgingi kúni synama aldyq.