Aldaǵy 15 jylda 1,5 mln otbasyn baspanamen qamtamasyz etý qajet. Búgin «Qazaqstan Respýblıkasynyń Indýstrıaldy-ınnovasıalyq damýynyń memlekettik baǵdarlamasy: 2016 jyldyń I jartyjyldyq qorytyndysy» atty keńeste Memleket basshysy Nursultan Nazarbaev osylaı málim etti, - dep habarlaıdy Qamshy.kz QazAqparatqa silteme jasap.

«Mańyzdy mindet - aldaǵy 15 jylda 1,5 mln otbasyn qoljetimdi baspanamen qamtamasyz etý bolýy tıis. Keshe men Astanada nemis tehnologıasymen salynǵan biregeı úı-qurylys kombınatynda boldym. 6 aıda úlken 9 qabatty úı salynady. Bárin sol kombınat jasaıdy, qabyrǵada rozetka oıyǵynan bastap qasbetine deıin daıyndalǵan, eshteńeniń qajeti joq. Úıge qajetti detaldiń barlyǵy sol kombınattan shyǵarylady», - dedi Memleket basshysy.

Osy rette Elbasy úılerdi arzan ári jyldam salý úshin dál osyndaı kombınattardy damytý qajettigine basa nazar aýdardy.

«Degenmen, bul mindetti de aqylǵa salyp sheshý qajet. Biraq, turǵyn úıdi qarjylandyrý  «Turǵynúıjınaqbanki» arqyly júrgizilýi tıis», - dep atap ótti QR Prezıdenti.