Tanymal ánshi Tóreǵalı Tóreáli Shymkentte shý shyǵardy. Sebebi ol birden ashýǵa býlyǵyp, onyń qasyna ákesi ári prodúseri de qosylyp, is sharaǵa kelgen bir top jýrnalıserge suhbat berýden bas tartty, - dep habarlaıdy Qamshy.kz Nur.kz -ke silteme jasap.

Búgin Shymkentte tanymal ánshi Tóreǵalı Tóreáliniń «Uly dala balasy» atty konserti ótedi. Konsertke deıin otandyq ónimdi qoldaý maqsatynda «Nazar tekstıl» kilem fabrıkasyna at basyn burǵan juldyz on eki myń teńgege kilem satyp aldy. Maqsat –  otandyq ónimdi tanymal adamdar arqyly jarnamalaý.

Konsert aldynda kelýge kelisim bergen jas ánshi belgilengen ýaqyttan birneshe saǵatqa keshigip kelip, munan soń ónerdegi áriptesi Qaırat Nurtasqa uqsaǵysy keldi me, áıteýir kózildirigin sheshpeı turyp aldy. Qolyn artqa aıqastyryp shirenip turǵan ánshiden bir jýrnalıs qolyn túsirip suhbat berýdi suranǵany sol edi ol birden minezin kórsetip, oǵan ákesi qosyla ketip, dórekilene jóneldi.

Tipti elge syıly bolyp júrgen Tóreǵalıdiń ákesi «senderdi kim shaqyrdy?» dep mán-jaıdy ýshyqtyryp jiberdi. Alaıda bul sharaǵa bir top tilshiler qaýymyn oblystyq ákimdiktiń baspasóz qyzmeti arnaıy shaqyrǵan bolatyn.

«Uly dala balasy» degen taqyryppen kesh bergeli otyrǵan ánshi «uly minezin» osylaısha baıqatyp qoıdy.