Búginnen bastap Qazaqstan Respýblıkasy Ulttyq ulany «Ońtústik» óńirlik qolbasshylyǵynda jáne barsha áskerı bólimderde jazǵy oqý kezeńi bastaldy.
Bul kúni barlyq óńirlik áskerı bólimderde jazǵy oqý kezeńiniń ashylýyna oraı saltanatty is-sharalar uıymdastyrylyp, memlekettik Ánuran oryndaldy. Barlyq bólimderdiń jeke quramymen saptyq tekserister, jańa oqý kezeńine daıyndyq barysy tekserildi.
Saltanatty jaǵdaıda alańda sap túzegen barsha jeke quramdy áskerı bólimder komandırleri jańa oqý kezeńiniń bastalýymen quttyqtap, Otan qorǵaý jolyndaǵy uly isterine sáttilik tiledi.
Dástúrli túrde jańa oqý kezeńi jaýyngerlik daıarlyqtyń negizgi pánderine kiretin memlekettik-quqyqtyq daıyndyq sabaǵyn ótkizýden bastaldy. «Ońtústik» óńirlik qolbasshylyǵynyń jeke quramymen osy pán boıynsha «Nursultan Nazarbaev – Qazaqstan Respýblıkasynyń Prezıdenti, Ult kóshbasshysy, reformator, zamanaýı Táýelsiz memlekettiń negizin qalaýshy» atty taqyryppen alǵashqy sabaqty Ulttyq ulan «Ońtústik» óńirlik qolbasshylyǵynyń qolbasshysy general-maıor Álibek Serálıev ótkizdi. Sabaq barysynda ol ofıserler men kelisimshart boıynsha áskerı qyzmetshilerge jahanda bolyp jatqan ózgerister men turaqsyzdyqtardy, onyń bizdiń memleketimizge tıgizer áseri jáne memleketimizdiń, onyń ishinde áskerimizdiń áleýetin arttyrý men damýy, álemdik daǵdarysqa qarsy memleket basshylyǵymen atqarylyp jatqan is-sharalar týraly baıandap, sonymen qatar táýelsizdik alǵan jyldan bastap búgingi kúnge deıin 25 jylda elimizdiń jetken jetistikteri men egemendimizdiń qalyptasýy jáne damýy jolyndaǵy Qazaqstan Respýblıkasynyń Tuńǵysh Prezıdenti N.Nazarbaevtyń atqarǵan róli týraly tushymdy pikirler keltirdi.
Memlekettik-quqyqtyq daıyndyq sabaǵynyń ekinshi bóliminde jeke quramǵa Qazaqstan Respýblıkasynyń Prezıdenti N.Nazarbaev týraly dokýmentaldy fılm kórsetildi.
Sabaqtyń qorytyndy bóliginde óńirlik qolbasshylyq ofıserleri men kelisimshart áskerı qyzmetshilerine 2016 jylǵy ekinshi jartyjyldyqtyń jazǵy oqý kezeńinde atqarar mindetter men tapsyrmalar júkteldi.
Alǵashqy sabaq aıaqtalǵan soń óńirlik qolbasshylyq áskerı bólimderiniń basqarma jáne jaýyngerlik daıarlyq bólimderiniń ofıserleri materıaldyq-tehnıkalyq bazalaryn shyǵarýmen ásker ómiriniń qaýipsizdigin uıymdastyrý, túrli sabaqtar ótkizý kezindegi jáne qarý-jaraq pen oq-dárilerdi, sondaı-aq tehnıkalarǵa qyzmet kórsetý men ony basqarý kezindegi qaýipsizdik is-sharalary boıynsha barsha jeke qurammen praktıkalyq sabaqtar ótkizdi.
Aıdos Baıshaǵyrov,
«Ońtústik» óńirlik qolbasshylyǵynyń Baspasóz qyzmeti
