Pavlodarda bir aı buryn joǵalǵan Baýyrjan Nurmuhambetovty AQSH-taǵy baqsynyń kómegimen izdestirip jatyr, - dep habarlaıdy Qamshy.kz pavlodarnews.kz -ke silteme jasap.
Eriktilerdiń aıtýynsha, jigitti osydan birneshe kún buryn Pavlodar aýdany Mıchýrın men Sychevka aýyldarynan izdegen.
“Baýyrjannyń qaı jerde júrgeni jaıly bizge AQSH-taǵy baqsy baıandap berdi. Shtattarda turatyn pavlodarlyq eriktini taýyp aldyq. Ol qosymsha aqparat alý úshin baqsynyń kómegine júgingen. Qazirgi tańda kóripkel aıtqan jerlerde Baýyrjandy izdestirip jatyrmyz. Ázirge dál qaı jerde júrgenimizdi aıta almaımyz, – dedi erikti.
Esterińizge sala ketsek, 20-jastaǵy jigitti izdestirýge eriktiler men polısıa qyzmetkerlerinen basqa, qazaqstandyq kóripkelder de qosylǵan bolatyn. Olardyń aıtýynsha, Baýyrjandy Pavlodar oblysynyń Kachır aýdany men Astana qalasy mańynan izdestirip kelgen, biraq áli de esh nátıje joq. Osydan eki apta buryn Baýyrjannyń ata-anasy beınehabarlama joldaǵan bolatyn.
