Qaraqat pen Qydyráli Astanada ótken konsertte  “Toqal” máselesine qatysty osyǵan deıin ózderine jarnama jasaǵandaryn aıtty, - dep habarlaıdy Qamshy.kz Stan.kz -ke silteme jasap.

“Men ne istesem de erimmen aqyldasyp birgelikte sheshim qabyldaıtyn adammyn. Meniń toqal degenim myna kólik” dep ánshi  sý jańa Toyota Land Cruiser 200 mashınasyn kórsetken.

Astana kúni qarsańynda “ABK” jáne “Ulytaý” toptarynyń mereıtoılyq konserti ótti. Atalǵan konsert bastalmaı jatyp daýǵa ulassa da, sońy tátti aıaqtalǵan. Sebebi, áriptesteri jıylyp Qydyráli Bolmanovqa temir tulpar syılaǵan. Bul qýanyshty habardy prodúserdiń ózi bólisti.

“Qarap otyrsam ómirde kóptegen syılyqqa ıe bolyp kele jatyr ekenmin. Birneshe kólik te mingizdi. Onyń ishinde eskisi de, jańasy da boldy. Bir máshıneni soǵyp alyp, jaqsy adamdar eken, aman qalǵanymyz úshin dep kóligimdi bere salǵan kezderim de boldy.

Qazir minip júrgen kólikti de bir kezderi maǵan tartý etken. Ony minip júrgenime 15 jyldyń júzi boldy. Jazǵy demalysqa ketken kezde óz kóligimdi “túnıng” jasatyp, kelgennen keıin jańa kólik aldyq deı salamyn dep josparlaǵam. Ony keremet jasaıtyn mamandarmen de kelisip qoıǵanmyn. Ájemniń “Sheber Alla” deıtin sózderi esimnen ketpeıdi. Solaı ekenine kópten beri esh kúmánim joq. Maqtandy demeńizder.

Bul men úshin kólik emes, qımas dostarymnyń kól-kósir, aq-adal nıetteri! Alla razy bolsyn! Árqaısysynyń otbastaryna Alla mıllıondaǵan ese qylyp qaıtarsyn. Úıip-tógip baq-bereke bersin dep tileımin! Sizdermen qýanyshymmen bóliseıin degen nıet qana”, – dep Qydyráli Bolmanov balasha qýanyp turǵanyn jetkizdi.

Munymen qatar, konserttiń joǵary deńgeıde ótýine atsalysqan Astana ákimdiginiń mádenıet basqarmasynyń basshysy Bolat Majaǵulov myrzaǵa alǵysyn jetkizdi. Al konsert basynda oryndarǵa baılanysty bolǵan shýly máseleniń ázirge qalaı sheshilgeni belgisiz.