Internette BTA bankiniń burynǵy basshysy Muhtar Áblázovtiń 2005-2009 jyldar arasynda bankten jymqyrǵan mıllıardtaǵan qarajaty týraly túsirilgen "Sındıkat Ablázova" derekti fılmi paıda boldy, - dep habarlaıdy Qamsahy.kz Tengrinews.kz -ke silteme jasap.

Áblázovtiń jalpy shyǵyny kem degende 6 mıllıard dollar ekeni anyqtaldy. Ulybrıtanıalyq detektıvterdiń biriniń aıtýynsha, ol mundaı ispen 30 jyldyq mansabynda birinshi ret kezdesip otyr.

Fılmde antıkorrýpsıalyq vedomstvonyń qazaqstandyq ókiliniń suhbaty keltiriledi. Onda ol aqshanyń urlanǵanyn ekonomıkalyq daǵdarys kezindegi tekserýlerdiń nátıjesinde anyqtaǵanyn aıtady. Derekti fılmniń avtorlarynyń aıtýynsha, fılmde jasyryn UKB6 departamenti túsedi. "Bank ishindegi bank" departamentiniń roli - nesıe men operasıalardy jaýyp, ótinishterdi qabyldaý. Al banktiń urlanǵan qarajatyn izdestirýmen aınalysatyn Hogan-Lovells kompanıasynyń Krıs Hardmen esimdi zańgeriniń aıtýynsha, UKB6 keńseleri basqa qabattarda ornalasqan jáne olarda óz qaýipsizdik júıesi bolǵan.

Sonymen qatar, fılmde tórt jyl boıy, ıaǵnı 2005 jyldan beri 200 jobadan bankten nesıe alýǵa ótinish kelip túsken, olardyń ishinde júz mıllıon dollarǵa deıin nesıe alýǵa ótinish bildirgender de bolǵan. Quqyq qorǵaý organdarynyń málimetinshe, bul alaıaqtyq iske 30 000 myńnan asa kompanıa qatysqan. Aıta keteıik, derekti fılmniń rejıseri - Mark Hırst, al prodúseri - Ian Fergúson. Kartına Ginger Smith Production kompanıasynyń kómegimen túsirilgen.