Ońtústik Qazaqstan oblysy Saryaǵash aýdanyna qarasty Dostyq aýylynyń on shaqty úıi shekarany belgileý kezinde Ózbekstan terıtorıasynda qalyp qoıǵan bolatyn. Saldarynan, atalǵan úı turǵyndarynyń elmen baılanysy da qıyndaı túsken edi, - dep habarlaıdy Qamshy.kz skifnews.kz -ke silteme jasap.
Shekarada qalǵan 10 otbasyny kóshirý maqsatynda Dostyq aýylyna baratyn Abaı-Kalhabad tas jolynyń eki betinen 80 ga jerdi berý úshin Dostyq eldimekeniniń ońtaılandyrylǵan jospary jasalǵan.
Oblys ákiminiń orynbasary J.Bókenbaev turǵyndardyń múlkin zańdastyrýǵa kómektesýin jáne memleket tarapynan ótemaqy alyp, basqa jerge kóshirý týraly ótinishterin jetkizdi.
Sondaı-aq, oblys ákiminiń orynbasary bul aýmaqqa memleket esebinen gaz, sý tartý ekonomıkalyq jaǵynan tıimsiz bolǵandyqtan búginge deıin aýyl turǵyndary kógildir otynsyz jáne aýyz sýdy 3 shaqyrym qashyqtyqta ornalasqan Ushqyn eldi mekeninen tasymaldap iship keletinin aıtty.
Jıyndy qorytyndylaǵan oblys ákimi bul másele boıynsha arnaıy jumys tobyn qurýdy jáne aýyl turǵyndaryn basqa jerge qonystandyrǵansha aýyz sýmen qosa syǵymdalǵan gazben qamtamasyz etilýi qajettigin aıtty. Sonymen qatar, aýdan ákimdigine shuǵyl túrde atalǵan úıler boıynsha túgendeý jumystaryn júrgizýdi jáne múlikti zańdastyrý boıynsha qujattaryn rásimdeýge kómektesýdi tapsyrdy.
