Pavlodarlyq reper Facebook pen VKontakte jelilerindegi ekstremıstik úndeýleri úshin qamaýǵa alyndy, - dep habarlaıdy Qamshy.kz Tengrinews.kz -ke silteme jasap.
Pavlodar qalalyq qylmystyq soty 34 jastaǵy er adamdy "Qylmystyq uıym qurý jáne oǵan basshylyq jasaý, sol sıaqty oǵan qatysý" jáne "Dinı arazdyqty qozdyrý" baptary boıynsha kúdikti retinde tanyp, eki aıǵa qamaýǵa aldy.
"Tergeý organdarynyń Rýslan Gınatýlındi tutqynǵa alý týraly ótinishterin qaraý barysynda sot 2002 jyly ekstremıstik úndeýlerdi joldaǵan Ózbekstannyń eki azamaty ózderiniń qylmystyq isterine 35 qazaqstandyqty tartqanyn anyqtady. Sonymen qatar, Gınatýlın men taǵy basqa azamattar qylmystyq REP "Hızb-ýt-Tahrır-ál-Islamı" uıymyn qurǵan. Olardyń Astana, Almaty, Qaraǵandy, Pavlodar jáne Ońtústik Qazaqstan oblystarynda bólimsheleri bolǵan, sondaı-aq onda ol toptyń basshysy men toptyń turaqty músheleri jumys istegen", - dep habarlady №2 sotynyń baspasóz qyzmetindegiler.
Sottaǵylardyń aıtýynsha, kúdikti osyǵan deıin de tyıym salynǵan uıymǵa qatysqany úshin sotqa tartylǵan. Tergeý organdarynyń málimetinshe, reperdiń taǵy da qamaýǵa alynýyna áleýmettik jelilerdegi jazbalary sebep bolyp otyr.
Tergeý málimetinshe, er adam VKontakte jáne Facebook áleýmettik jelilerine qasaqana tyıym salynǵan vıdeorolıkter men materıaldar júktegen. Sonymen qatar, ulttar arasyndaǵy arazdyqty qozdyrmaqshy bolǵan.
Pavlodar oblystyq baqylaý komısıasynyń tóraıymy Elena Semenovanyń aıtýynsha, 34 jastaǵy reper osyǵan deıin eki ret sotqa tartylǵan. Birinshi ret pavlodarlyq reper sol ýaqytta tyıym salynǵan "Hızb-ýt-Tahrır" dinı uıymnyń paraqshalaryn taratqany úshin sottalsa, ekinshi ret ony sol tyıym salynǵan uıymǵa qatysqany úshin eki jylǵa bas bostandyǵynan aıyrylǵan.
