Táýelsizdiktiń 25 jyldyǵy aıasynda 5-6 shilde kúnderi SHQO Tarbaǵataı aýdanyń Aqjar, Aqsýat, Oıshilik eldi mekenderinde Naıman ulysynyń tarıhı esimderi - Maqta apa men Baıjigit Ataǵa, Muryn anaǵa jane HanToǵas batyrǵa arnap eńseli eskertkishter ornatylyp, saıabaqtar ashylyp, ǵylymı konferensıa men aýqymdy merekelik sharalar ótti, - dep habarlaıdy Qamshy.kz.

Aıtýly sharalar barysynda elimizdiń ár oblysynan kelgen bedeldi ǵalymdar, jazýshylar baǵaly baıandamalar jasap, mańyzdy sózderin arnady. Sonymen birge «Qazaqstan» Ulttyq arnasy, «Aıǵaq» basylymy (OQO), Qamshy.kz portaly bastaǵan bedeldi BAQ quraldary aqparattyq qoldaý kórsetti.

Astana kúni Tarbaǵataı aýdanynda ótken jınalysta aqyn, mádenıet qaıratkeri Almas Ahmetbekulyna jáne aqyn, «Alash» syılyǵynyń ıegeri Ábýbákir Qaıranǵa «Shyǵys Qazaqstan oblysy Tarbaǵataı aýdanynyń qurmetti azamaty» ataǵy berildi. Azamattardyń keýdesine tós belgi taqqan aýdan ákimi Dildábek Orazbaev aqyndardyń «Tarbaǵataıdy, týǵan el, Atameken uǵymdaryn asqaqtaqan rýhty óleńderin atap ótti.

Al, músinshi Álibek Shoqanov somdaǵan áıgili tulǵalar beınesi urpaqtary men qalyń jurtshylyqtyń qarjyyq qoldaýymen ornatyldy. Bul sharaǵa qatysqan jurt ejelgi tegin tanyp, erkin rýhyn taýyp, azattyqtyń - táýelsizdiktin uly qasıetin sezinip, serpile túskenin kórdik.

Ult uly, Otan máńgi bolǵaı!