Astanada Jer reformasy jónindegi komısıanyń  kezekti otyrysy bastaldy, - dep habarlaıdy Qamshy.kz.

«Birinshisi, moratorıı jarıalanyp, soǵan oraı zańnyń qabyldanýyna baılanysty, birinshi shildeden bastap burynǵy zańnama qaıtadan kúshine endi. Iaǵnı, jalǵa berý ınstıtýty qaıta jumys istemek. Al endi osyǵan baılanysty máselelerdi talqylaý qajet. Ekinshi másele, shekaraǵa baılanysty ótkende komısıa otyrysynda birneshe usynys aıtyldy. Paıdalanýǵa beriletin jer shekaradan qandaı qashyqtyqta bolýyn anyqtaý kerek. Úshinshi másele - jaıylym máselesi. Osy taqyryptyń tóńireginde daıyndalǵan usynystardy qarap, naqty sheshimder qabyldaýǵa jaqyndasaq dep jınalyp otyrmyz", - dedi A.Myrzahmetov.

Jer reformasy jónindegi komısıa Prezıdenttiń tapsyrmasy boıynsha qurylǵan bolatyn.  Komısıa quramynda tórt jumys toby bar, olarǵa Aqylbek Kúrishbaev, Muhtar Taıjan, Dos Kóshim jáne Murat Ábenov jetekshilik etedi.

Jer reformasy jónindegi komısıa Astanada úsh otyrysyn ótkizgennen keıin, óńirlerge shyǵyp, halyqtyń pikirin tyńdap, turǵyndarmen tildesýdi uıǵarǵan edi. Barlyq pikirler men usynystar saraptalyp, jan-jaqty tarazylanǵannan keıin ǵana komısıa sheshim shyǵaryp, Parlamentke engizedi. 

Esterińizge sala keteıik, komısıanyń sońǵy úsh otyrysy  Aqmola,  Almaty jáne Qyzylorda oblystarynda ótti. Búgin komısıa músheleri mańyzdy máselelerdi talqylaǵannan soń kelesi aptadan bastap taǵy  da óńirlerge attanady.

Astanada ótip jatqan Jer reformasy jónindegi komısıanyń otyrysyn Bnews.kz saıtynan onlaın kóre alasyzdar.