Búgin Jer reformasy máseleleri jónindegi komısıanyń kezekti otyrysynda  komısıa múshesi Muhtar Taıjan Jer kadastrynda jermen aınalysatyn adamdardyń aty-jónderi jarıa túrde bolýy qajettigin aıtty, - dep habarlaıdy Qamshy.kz.

-Eń birinshi -  kadastr. Bizde qazir elektrondy kadastr bar. Biraq, onda jer ıeleriniń aty-jónderi kórsetilmegen. Meniń usynysym, jer halyqtiki bolǵannan keıin onymen kim aınalysatyndyǵy jaıyndaǵy aqparattar ashyq bolýy tıis. Qazir bul málimetter jabyq. Sebebi, «Jeke málimetter týraly» Zań bar. Sol Zańdy ózgerteıik», - degen Muhtar Taıjan komısıa músheleriniń sheshimderinde ortaq kelisimge kelmegen máselelerdiń de bar ekendigin aıtyp ótti.

-Qazaqstanǵa kelgen sheteldik azamat fırma ashyp, 49 paıyzyn ózi, 51 paıyzyn el azamatyna beredi de jermen aınalysa alady, - degen M.Taıjan mundaı quıtyrqyǵa  jol bermeýimizdiń qajet deıdi.

-Eger jerdi sheteldikterge satpaımyz desek, onda zańǵa ózgertýler engizeıik. Bizde dál osy máselege baılanysty ortaq sheshim joq, -degen  M.Taıjan sheteldikterge jer satylmaıdy dep aıtylǵanymen  quıtyrqy joldardyń da qalyp otyrǵandyǵyn basa aıtty.