Shymkenttik kásipker Tóleshov Toqtar Júsipulyna qatysty qylmystyq is boıynsha tergeý aıaqtaldy, - dep habarlaıdy Qamshy.kz QR Ulttyq qaýipsizdik komıteti vedomstvonyń baspasóz qyzmetine silteme jasap.

Sondaı-aq, 2016 jylǵy 11 shildede Ulttyq qaýipsizdik komıtetiniń ǵımaratynda (Astana qalasy, Syǵanaq kósh., 20) Qazaqstan Respýblıkasynyń UQK jáne Bas prokýratýrasy ókilderiniń qatysýymenbaspasóz konferensıasy ótetindigi habarlandy.

Eske salaıyq, belgili kásipker Toqtar Tóleshov 2016 jyldyń 30 qańtarynda Shymkentte arnaıy operasıa kezinde ustalǵan bolatyn. Onyń úıin jáne jumys ornyn tintý kezinde qarý-jaraq, esirtki zattary men oqýlyq tabylǵan edi. Kásipkermen qatar úsh adam ustalǵan. 

Al 1 aqpanda Astana qalasy Almaty aýdanynyń №2 aýdandyq soty QR QK 297-baby 3-tarmaǵy 3-bóligi, 266-baby 3-bóliginde kózdelgen qylmystyq quqyq buzýshylyq jasady degen kúdikpen ony qamaýda ustaý túrinde bultartpaý sharasyn sanksıalaý týraly qoldaýhatty qaraǵan bolatyn.