Búgin Astanada ótip jatqan jer komısıasynyń kezekti otyrysynda saıasattanýshy, komısıa múshesi Dos Kóshim jer bóletin komısıanyń úshtin bir bóligi ǵana bılikte, qalǵany qarapaıy halyq bolýy qajet ekenidigin atap ótti,  - dep habarlaıdy Qamshy.kz.

-Erejede komısıa músheleri bes adamnan kem bolmaýy kerek degen talap bar. Onyń ishinde aýyldyq okrýgterdiń ákimderi, jer resýrstarynyń jáne taǵy basqa atqarýshy bıliktiń azamattary bar. Árıne, qazir Atamekendi  qosyp otyr. Odan taǵy basqa. Biraq bizdiń oıymyzsha, barlyq aýyldyq okrýgtardan bir-bir adam komısıanyń múshesi bolýy qajet. Bul komısıa aı saıyn jumys istemeıdi, jylyna bir isteı me, eki jylda bir isteı me. Sol ýaqyttarda jerge tikeleı qatysy bar, jermen jumys istep júrgen adamdardy árbir aýyldyń jınalysy bekitip, sol komısıaǵa kirýi tıis. Sonda barlyq adamdardyń qatysýy bolady. Sondaı-aq aýdandyq prokýror komısıanyń múshesi mindetti túrde bolýy qajet. Ol komısıanyń zańdylyǵyn baqylaýtyn bolady. Oǵan qosa, qoǵamlyq uıymdar men buqaralyq aqparat quraldary komısıanyń jumysyna qatysýy shart. Qysqasy, komısıanyń úshtin bir bóligi ǵana bılikte, qalǵany qarapaıy halyq bolýy qajet dep sanaımyz, - degen saıasattanýshy konkýrstyq komısıalardyń quramyna kiretin bılik ókilderine halyq senbeıtinin alǵa tartty.

Dos Kóshimniń aıtýynsha, jerdi bóletin, oǵan qatysty konkýrsty ótkizetin komısıanyń jumysy ashyq ári jarıaly túrde bolýy kerek. Saıasattanýshynyń aıtýynsha, bul qoldanystaǵy erejede qarastyrylmaǵan. Osyǵan baılanysty, jer bólýge qatysty konkýrstyq komısıanyń jumysyna qyzyǵýshylyq tanytatyn azamattardyń kez kelgeni tolyq qatysa alýy shart.

Búginde jergilikti jerdegi kokýrstyq komısıalarǵa qatysty erejelerge ózgeris engizgen jón dep sanaıtyn saıasattanýshy komısıanyń jumysyn prokýror baqylaý otyrýy kerek dep esepteıdi. 

«Eger komısıa músheleriniń daýysy teń bolsa, onda tóraǵanyń daýysy eki daýysqa ıe bolady» degen bapqa nazar aýdarǵan Dos Kóshim  bul baıaǵy arhaızmniń qaldyǵy ekendigin aıta kele, «adam quqyǵyn buzatyn mundaı norma bolmaýy kerek. Ár adam tek bir daýysqa ıe bolýy tıis», - dedi.