Aıdos Sarym Jer komısıasy jumysyndaǵy keı kemshilikterdi synǵa aldy, - dep habarlaıdy Qamshy.kz.

Komısıa múshesi Astanada ótken jıynda uıymdastyrý máselelerine baılanysty birqatar kemshilikterdi atap ótti. Aıdos Sarym komısıa jumysynyń naqty kestesiniń áli kúnge jasalmaýyna, óńirlerge shyǵý kestesiniń bekitilmegenine nazar aýdartty. Otyrysta Aıdos Sarym el ishinde jerge qatysty tarap jatqan túrli aqparattarǵa qatysty resmı organdardyń jaýaby da kesheýildep shyǵatynyn tilge tıek etti. Komısıanyń otyrystaryna halyqty shaqyrý, qoǵamdyq belsendilerdiń qatysý jaıy da saıasattanýshynyń kóńilinen shyqpaǵan sıaqty.

"Myna túrimizben biz aımaqtardy tolyq aralap úlgermeımiz", - deıdi ol.

Osyǵan baılanysty ol komısıa múshelerin tórt topqa bólip, óńirlerdi aralaýdy usyndy. 

Sondaı-aq, ol Qostanaı oblysyndaǵy Yrǵyz, Jangeldi aýdandarynan Reseı polıgondary úshin jer telimderiniń jalǵa berilýin synǵa aldy. 

"Reseı shet el emes pe? Bizde sheteldikterge jalǵa jer berýge moratorıı jarıalandy emes pe?", - degen A. Sarym osy oqıǵaǵa baılanysty "Ol óńirlerde adam turmaıdy" dep málimdegen Investısıalar jáne damý vıse-mınıstri Albert Raýdyń halyqtan keshirim suraýyn talap etti. 

Aıdos Sarymnyń aıtqandaryna komısıa tóraǵasy, vıse-premer hám Aýylsharýashylyq mınıstri Asqar Myrzahmetov jaýap berdi.