Fýtboldan Portýgalıa quramasy tuńǵysh ret Eýropa chempıony atandy, - dep habarlaıdy Qamshy.kz Tengrinews.kz -ke silteme jasap. Fınalda portýgaldar týrnır qojaıyndary Fransıa quramasyn jeńdi.
Oıynnyń alǵashqy bes mınýtynda Nanı qaýipti soqqy jasap, múlt ketti. Dop qaqpadan bıik ketti. Al onynshy mınýtta portýlıalyq oıynshy Rýı Patrısıý seıv jasap, Antýann Grızmannyń tepken dobyn qaıtara bildi.
Keıin Krıshtıaný Ronaldý jaraqat alyp qaldy. 17-shi mınýtta Dmıtrı Paıemen dopqa talasta ol búktetilip jatyp qaldy. Alaıda dárigerlerdiń kómeginen keıin ol oıynǵa qaıta oraldy.
Keıin fransýzdar shabýyl jasady. Mýsa Sıssoko dopty qaqpa baǵanasynan bıik tepti. Osydan keıin Ronaldý oıyndy jalǵastyra almaıtynyn aıtyp, otyra qaldy. Kóz jasyna erik bergen komanda kapıtanyn dárigerler alyp ketti. Onyń ornyna Rıkardý Kýarejmý shyqty.
Osydan keıin oıynda dopqa talas-tartys qyza tústi. 34-shi mınýtta ǵana Rýı Patrısıý Sıssokonyń tepken dobyn qaıtaryp, komandasyn bir goldan qutqaryp qaldy. Oıynnyń birinshi taımynyń sońynda Evra men Kýarejma qaqtyǵysyp qaldy, abyroı bolǵanda ekeýi de oıyndy jalǵastyra aldy. Komandalar úziliske 0:0 esebimen shyqty.
Al ekinshi taım múldem qyzyqsyz boldy. Birinshi jıyrma mınýtynda Dmıtrı Paıeniń Kıngslı Komanmen aýysýy ǵana kózge tústi. Qaýipti sátter kóp bolmady. 66-shy mınýtta Grızmann sátti pozısıadan tepse de, qaqpadan qısyq ketti. Al keıin Olıve Jırý qaýipti sát jasaı bildi, alaıda onyń dobyn Rýı Patrısıý qaıtara bildi.
Al portýgaldardyń golkıperin machtyń úzdik oıynshysy ataýǵa da bolatyn sıaqty - ol óz komandasyn birneshe ret qutqaryp qaldy. Al shabýyl ótinde Nanı men Kýarejma kózge tústi. Oıynnyń 80-shi mınýtynda ekeýi de qaýipti sát jasaı bildi. Alaıda Rıkardýdyń doby da qaqpaǵa dál barmady.
Osydan keıin fransýzdardan Sıssoko qaqpaǵa dál soqqy jasaǵan, biraq Patrısıý taǵy da óz komandasyna kómekke keldi. Al 92-shi mınýtta Andre-Per Jınáktyń soqqysy tipti shtangaǵa tıip, keri qaıtty. Qorytyndysynda negizgi ýaqyt 0:0 esebimen aıaqtaldy.
Birinshi qosymsha taımda eki komanda da qaýipti sát jasaı bildi. Al ekinshi shabýylynda portýgaldar fransýzdardan basym ekendigin dáleldegendeı boldy - Rafael Gerreırý aıyp alańynan teýip, qaqpa baǵanasyna dál tıgizdi, al bir mınýt ótkende alańǵa jańa kirgen Eder esepti 1:0-ge jetkizdi.
Budan keıin fransýzdar portýgaldardyń qaqpasyna aǵylady-aý degen oı júzege asa qoımady. 1:0. Portýgalıa quramasy jeti kezdesýde de teń oınap, Eýropa chempıonatynda jeńiske jetti.
