Qazaqstan premer-mınıstri Kárim Másimov búgin Mońǵolıanyń Baıan-Ólgeı aımaǵyna sapar shekti. Úkimet basshysy Mońǵolıa qazaqtarymen qazaqsha sóılesken, - dep habarlaıdy Qamshy.kz Nur.kz -ke silteme jasap.
Esterińizde bolsa, Baıan-Ólgeıde sel júrip, sol jaqtaǵy qandastarymyz úlken shyǵynǵa ushyraǵan bolatyn. Selden 700-ge jýyq adam zardap shegip, eki adam qaıtys boldy.
Búgin Mońǵolıaǵa arnaıy barǵan Másimov qandastarymyzǵa kómektesetinin qazaq tilinde jetkizgen. Kópshilik aldynda qazaqsha sóılemeıtin Másimovtiń bul áreketi jeli qoldanýshylaryn tań qaldyrýda.
