Nıssada terakt jasaldy. Belgisiz bireýler kóshedegilerge qarata oq atqan, - dep habarlaıdy Qamshy.kz Rıa Novostı basylymyna silteme jasap.

Júk kóligi Bastılıany azat etý kúnin merekelep júrgen bir top adamdy qaǵyp ótken, kólikten shyqqan belgisiz adamdar mańaıdaǵylarǵa oq atqan.

Jergilikti bılik qarýly shabýyldy terakti dep sanaıdy. Aldyn ala málimet boıynsha, 80-ge jýyq adam qaza taýyp, 100-den asa adam zardap shekken. 

Nıssadaǵy terakt kezinde qaza tapqandardyń arasynda qazaqstandyqtar joq. Bul týraly QR Syrtqy ister mınıstrligi Twitter jelisinde jarıa etti.

"Qazirgi ýaqytta Nıssadaǵy terakt saldarynan qaza tapqandardyń arasynda Qazaqstan azamattary týraly málimet joq. Málimet tekserilip jatyr. Nıssadaǵy teraktini úzildi-kesildi aıyptaımyz. Fransıa halqyna kóńil aıtamyz. Terorızm - álemge jáne búkil álemdegi qaýipsizdikke tónip turǵan qaýip", - delingen habarlamada. 

Nıssada adamdar tobyn qaǵyp ketken júk kóliginiń júrgizýshisiniń aty-jóni anyqtaldy. Ol Týnıs týmasy, 31 jastaǵy jergilikti turǵyn bolyp shyqtyKýágerlerdiń aıtýynsha, júk kóligi toqtamastan, arly-berli júrip, adamdardy eki shaqyrym boıynda qaǵyp júrgen. Júk kóliginiń júrgizýshisi óltirildi. Nıssadaǵy shabýyldan keıin arnaıy operasıa júrdi. Oqıǵa ornynan İİM basshysy Bernar Kaznevtiń barǵany aıtylady. Fransıa prezıdenti Fransýa Olland shabýyl kezinde Avınonda bolǵan, biraq ol dereý Parıjge oralý týraly sheshim qabyldapty.