Óskemen soty bes jyl buryn jasalǵan atyshýly iske núkte qoıdy. Ol kezde kıllerler «Nur Otan» partıasynyń ókili Valerıı Proskýrákovty kásipkermen shatastyryp, óltirip ketken bolatyn. Búgin adam óltirýge tapsyrys berýshige qatysty sot úkim kesti, - dep habarlaıdy Qamshy.kz  KTK arnasyna silteme jasap.

Valerıı Rybakov birneshe jyl boıy izdeýde júrip, jaqynda ǵana qolǵa túsken bolatyn. 2011 jyly ol tanystarynan 4 mıllıon dollardy qaryzǵa bergen adamdy sabaýdy suraǵan. Biraq buzaqylar kásipkerli partıa qyzmetkerimen shatastyryp, ony atyp ketipti. Kıllerler kóp uzamaı qolǵa túsip, 15 jáne 20 jyljan arqalap ketse, tapsyrys bergen Rybakov Reseıde jasyrynǵan. Sońǵy 5 jyl boıy ustatpaǵan ol endi aldaǵy 16 jyl ómirin temir torda ótkizýi tıis. Biraq sottalýshynyń ózi adam óltirýdi suramaǵanyn aıtyp otyr. Onyń sózinshe, buzaqylar kásipkerdi ólimshi etip sabaýy kerek bolǵan.

Valerıı Rybakov, sottalýshy:

– Maǵan eshkim nusqaý bergen joq, ózim de adamdy óltirińder dep aıtpadym. Bolǵan oqıǵany kezdeısoq dep aıtýǵa bolady. Men jaldaǵan jigitter sabap ketýdiń ornyna adamdy atyp tastady. Onda da adamdardy shatastyryp alǵan.