Túrkıadaǵy memlekettik tóńkeris áreketin el prezıdenti Rejep Taııp Erdoǵannyń ózi qasaqana jasaǵan, - dep jazady The Independent aǵylshyn basylymy. Bul týraly Qamshy.kz kaz.tengrinews.kz-ke silteme jasap habarlaıdy.

«Keıbir sholýshylar bul tóńkeristiń Erdoǵanǵa armıadaǵy qarsylastaryn joıyp, Túrkıadaǵy bıligin kúsheıtý úshin qasaqana jasalǵan bolýy múmkin ekendigin aıta bastady», - dep jazady basylym. 

Eýropalyq jýrnalıserdiń biri shyqqan búlikti bıliktiń ózi jasady degen toqtamǵa keledi. «Biz merziminen buryn bolatyn saılaýǵa kýá bolatyn shyǵarmyz, bul saılaýlarda Túrkıa prezıdenti daýystyń basym bóligin jınap alýǵa tyrysady. Tipti konstıtýsıa ózgerýi múmkin, ol jaqtan zaıyrlylyq joǵalyp, ıslam motıvteri paıda bolatyn shyǵar», - dep jazady «Polıtıko» tilshisi Raıan Hıs.

Bul pikirdi Erdoǵan búlik shyǵarýǵa Pensılvanıadan buıryq berdi dep aıyptaǵan ıslam ýaǵyzshysy Fethýllah Gúlen de aıtyp otyr. Onyń pikrinshe, Túrkıada memlekettik tóńkeristi bılik basyndaǵylar ózderi oılap tapqan.

Eske salaıyq, 2016 jyldyń 15 shildesinde keshki ýaqytta Túrkıada memlekettik tóńkeris jasaý áreketi bolǵany anyqtaldy. Túrli málimetter boıynsha qaza bolǵandardyń sany 160-tan 190-ǵa jetken. Olardyń ishinde 41 polıseı, 47 beıbit turǵyn, 2 sarbaz jáne 104 búlikshiniń bar ekendigi aıtylady. Taııp Erdoǵan búlik shyǵardy dep áskerılerdi aıyptap, el azamattaryn kósheler men alańdarǵa shyǵýǵa shaqyrdy. Tergeý aıasynda 2,8 myń adam qamaýǵa alyndy. Sonymen qatar, bes general men 29 polkovnık qyzmetten bosady.