Tanymal sazger, aqyn ári ánshi Erkesh Shákeev Almatyda joǵalyp ketken 25 jastaǵy uly Safar Shákeevti tabýǵa járdemdesýdi surady, - dep habarlaıdy Qamshy.kz.

«Dostar, meniń ulym Safar Shákeev joǵalyp ketti. Ol 16 shilde kúni tańǵy 7-lerde joǵaldy. Sońǵy ret ony Seıfýllın kóshesimen joǵary Ál-Farabıden ótip bara jatqanda kórgen. Remızovka aýdanyna qaraı bet alǵan bolatyn. Boıy 187 sm. Ústinde osy qyzǵylt jeıde men kók djınsy boldy. Búgin kórgen adamdar bolsa nemese qandaıda bir aqparaty bar adamdar tabylyp jatsa, jeke habarlama arqyly habarlassyn nemese osynda pikir qaldyrsyn. Meılinshe, kóp repost jasańyzdarshy, ótinish. Myna nómirlerge habarlasyńyzdar - 87082214007, 87025658889, 87754788771, 87017663616», - dep jazdy E.Shákeev Facebook-tegi paraqshasynda. 

S.Shákeevtiń dostary habarlaǵandaı, týǵan-týystary Almaty İİD-ne aryz jazǵan, qazirgi ýaqytta izdeý jumystary júrgizilip jatyr.

İz-túzsiz joǵalǵan Safar Shákeevti 50 polıseıden turatyn mobıldi top izdeýde. Bul týraly qalalyq İİD baspasóz qyzmetinen habarlady.

Erkesh Shákeevtiń ulyn izdestirýge eriktiler qajet.

Bul týraly búgin Feısbýk áleýmettik jelisindegi jeke paraqshasynda Almaty qalalyq Qoǵamdyq keńesiniń múshesi Beknur Qısyqov málim etti.

«Safar Shákeev izdestirilip jatyr. Ázirge nátıje joq. Tabylady  degen úmittemiz. Tóle bı kóshesi men Esentaı ózeniniń qıylysqan aýmaǵynan  izdeý kerek. Bizge eriktiler kerek bolyp jatyr», - dep jazady B. Qısyqov.  

İzdestirý óndirisi aıasynda Medeý aýdandyq İİB bólimshesiniń qyzmetkerleri jáne Almaty qalalyq İİD Krımınaldy polısıa Basqarmasynyń ókilderinen arnaıy tergeý-jedel toby quryldy. Sondaı-aq, izdeý sharasyna 15 ýchaskelik polısıa qyzmetkerleri de jumyldyrylǵan.

Búgin Kompozıtor Erkesh Shakeevtiń uly Safar Shakeevtiń qaıda ekenin aıtqan adamǵa 10 mln. teńge syıaqy beriletindigi habarlandy.