QR SİM Nıssada qaza tapqan qazaqstandyqtardyń denesin elge jetkizýge járdem beredi, - dep habarlaıdy Qamshy.kz QazAqparatqa silteme jasap. Bul týraly QR Syrtqy ister mınıstrliginiń baspasóz hatshysy Anýar Jaınaqov málim etti.

Onyń aıtýyna qaraǵanda, qazaqstandyqtardyń múrdelerin Fransıadan Qazaqstanǵa jetkizý merzimi ázirge belgisiz. 
«Biz Nıssada kóz jumǵan qazaqstandyqtardyń denelerin elge jetkizýge qol ushyn beretin bolamyz. Ol qashan bolatyny týraly aqparat joq», - dedi ol. 

Eske sala ketsek, 14 shilde kúni Nıssada bolǵan lańkestik áreketten Qazaqstan azamattary: Panchenko Lúbov (1956), Panchenko Marına (1983), Panchenko Sılvıa (2013) men Otto Natalá (1959) qurban bolǵan. Qazirgi ýaqytta QR SİM olardyń týǵan-týystarymen barlyq qajetti sharalardy jasap jatyr.