Almaty kóshelerinde atys boldy. Zardap shekkender bar, - dep habarlaıdy Qamshy.kz.

Kýágerlerdiń habarlaýynsha, Nıkol bazary, Abaı dańǵyly men Baızaqov kóshesi qıylysynda, Abylaı han dańǵyly men Qazybek bı kóshesi aýmaǵynda atystar estilgen. Belgisiz adam kóshede avtomatpen júgirip júrip oq atqan.

Qazir oqıǵa ornynda tártip saqshylary jáne jedel járdem mashınalary bar. 

«Abaı dańǵyly men Baızaqov kóshesiniń qıylysynda, ıaǵnı QR UQK Almaty qalasy boıynsha departamentiniń ǵımaraty aldynda qara kıingen belgisiz bireý eki adamdy atyp qulatqan. Sondaı-aq, Abylaı han men Tóle bı kóshesiniń qıylysynda da tártip saqshylarymen belgisiz bireýler arasynda atys bolǵan», - deıdi kýágerler. 

Jaralanǵandardyń biri Qurmanǵazy-SHáripov kósheleriniń qıylysynda jatyr. Adamdar osy aýdanda atysty estigen. Aınalany polıseıler qorshaýǵa aldy. Polısıa kóliginde jaraqat alǵan quqyq qorǵaý organdarynyń qyzmetkeri jatyr. Osyǵan deıin taǵy bir jaraqat alǵan adamdy alyp ketken.

(Foto Maqsat Tolyqbaıdyń ınstagram paraqshasynan alyndy)