Búgin, 18 shilde kúni, Astana ýaqytymen 12:20-da Almaty qalasynyń aýmaǵynda terorıstik qaýiptiliktiń qyzyl deńgeıi belgilendi, dep habarlaıdy Qamshy.kz qalalyq İİD baspasóz qyzmetine silteme jasap.
«Osyǵan baılanysty, qala turǵyndary men qonaqtaryn atalǵan deńgeıde qarastyrylǵan talaptardy saqtaýǵa shaqyramyz», - delingen habarlamada.
Aıta keteıńk, «Qyzyl» deńgeıli qaýip ornaǵan kezde jeke zattary men transport quraldaryn tekserýge jáne qozǵalysty ýaqytsha shekteýge nemese toqtatýǵa múmkindik beredi. Sondaı-aq osy deńgeıde esh kedergisiz turǵyn úılerge jáne basqa da ǵımarattarǵa kire berýge ruqsat bar. Telekomýnıkasıalyq júıe kanaldary arqyly beriletin aqparat pen kelissózderdi baqylaý tárizdi sharalar da qabyldanady. Barlyq arnaıy qyzmettiń áskerı daıyndyǵy kúsheıtilip, áýejaılar, teńiz porttary men metropolıten obektilerin, temir joldar men avtobeketterdi arnaıy quraldarmen tekserý kezindegi rejımderdiń qatańdatylýy tárizdi sharalar júrgiziledi.
