Túrkıa tarapy AQSH-qa Erdoǵannyń qarsylasy ataqty ýaǵyzshy Fethýlla Gúlendi ekstradısıalaý týraly talap hat jibergendigin buǵan deıin habarlaǵan bolatynbyz. Seısenbi kúni memlekettik departamenttiń resmı ókili Mark Toner saıasatkerdi ekstradısıalaý úshin uzaq ýaqyt kerek ekenin jáne bul isti resmı turǵydan qarastyrý úshin qosymsha materıaldar qajettigin málimdegen bolatyn.
«Segodná.ua.»-nyń habarlaýynsha Erdoǵanǵa osy aptada qarsy naýqan retinde WikiLeaks portaly Túrkıanyń bılik basyndaǵy Ádilet jáne damý partıasynyń elektrondy poshtasyna tıesili 290 hatty jarıa etken. WikiLeaks partıa músheleriniń elektrondy poshtalaryna tıesili hattarmen qosa eldiń saıası júesiniń menshigindegi 100 myń qujatty «qolǵa túsirgen». Hattar jarıalanǵan soń kelesi kúni Ankara el aýmaǵynda atalmysh portal aqparattarynyń taralýyna shekteý qoıyp, saıtty buǵaqtady.
