«Erdoǵan rejıminiń qurbanyna aınalǵandardyń sany 45 myń adamǵa jetti» dep habarlaıdy Bı-bı-sı.
Bulardyń arasynda áskerıler men polıseılerden bastap muǵalimder, ýnıversıtet dekandary, jýrnalıser de bar. JOO-da jumys isteıtin 15 myń muǵalim men 1,5 myń dekan Erdoǵanǵa qarsy toptyń jaqtaýshylary dep tanylyp, jumystan shyǵarylǵan. Túrkıanyń İİM-niń 15 myń qyzmetkeri, qarjy mınıstrliginiń 1,5 myń mamany, sport mınıstrligi men premer-mınıstr keńsesinde isteıtin 250 adam saıası turǵydan qysqartýǵa ushyraǵan. Memlekettik tóńkeris oqıǵasynan keıin 6 myń áskerı qyzmetker, 9 myń polıseı tutqyndalsa, 3 myń sýdıa qyzmetten bosaǵan. Bulardyń barlyǵy Fethýlla Gúlenniń jaqtastary dep tanylsa kerek.
