Bul týraly Bı-bı-sı habarlaıdy. Ázirbaıjan astanasynda ornalasqan Kavkaz ýnıversıteti 1993 jyly túrik kásipkerleriniń qoldaýymen ashylǵan. Atalmysh jeke menshik oqý ornynyń ıslamıst ýaǵyzshy, Túrkıanyń qazirgi bıliginiń basty qarsylasy Fethýllah Gúlenmen baılanysy bar degen aqparat taraǵan.

«Ázirbaıjan Gúlenmen baılanysty degen habar taraǵan soń Kavkaz ýnıversıtetin japty. Bul ýnıversıtet eldegi eń myqty oqý oryndarynyń biri edi» dep jazdy, Twitter-degi paraqshasynda jýrnalıs Hadıdja Ismaılova.

APA agenttiginiń  habarlaýynsha 20 shildede atalmysh ýnıversıtettiń quryltaıshysy Ázirbaıjannyń bilim mınıstrligine JOO-yn jabý týraly sheshim qabyldaǵanyn  habarlaǵan. "Týran" aqparat agenttiginń málimeti boıynsha, ýnıversıtetti qurýshylar Gúlenniń jaqyn adamdary bolǵan. 2014 jyly Ázirbaıjan bıligi Túrkıanyń ótinishi boıynsha áıgili ıslamıst ýaǵyzshymen baılanysty memlekettik mekeme qyzmetkerlerin jumystan shyǵardy. Búginde Fethýllah Gúlen Túrkıada Prezıdent Erdoǵannan keınigi eń bedeldi saıası tulǵa sanalady.