Búgin shýlaımyz...
Erteń túk bolmaǵandaı umytyp ketemiz.
Aqtóbedegi terakt bolǵan kúni de qara aspandy tóndirip, qara jamylyp edik. Ary ketse bir apta dabyrladyq ta, terrorıster jaıly múldem umyttyq. Qazir ultymyz ben memleketimizge qaýip tóndirer problemalar bir kúndik bas taqyryptyqqa qana jaraıtyn, meshel jýrnalısıka paıda boldy.
Endi eki aptadan keıin Almatydaǵy osy oqıǵa jaıly jan-jaqty saralanyp, bul qandyqyrǵynnyń artynda kimderdiń turǵany, kimder turýy múmkin ekeni, mundaı jaǵdaıdyń aldyn qalaı alý kerektigi jazylsynshy, búgin shýlaǵannyń eshqaısysy ol maqalany oqymaıdy. Óıtkeni, bul lankestik te bir kúnniń ǵana bas taqyryby. Erteń ulardaı shýlap júrip, taǵy bir sumdyq bas taqyryp taýyp alamyz.
Bizdiń bılikke oılanatyn kez baıaǵyda jetken. Jalpy oılana almaıdy-aý, solar! Eldi túrli aǵymdardan saqtaý úshin nendeı qadam jasap jatyr? Aramyzda osynshama kóp lankes "kirip ketkenin" (ósip-óngenin) baıqamaı qaıda qarap otyr? Qashanǵy beıkúná beıbit turǵyndar kóz juma beredi?
Tarazdaǵy oqıǵadan bastasaq, tym tereńge ketip qalamyz. Beıbit turǵyndardyń qaýipsizdigin qamtamassyz ete almaıtyn búgingi júıeden sharshadym.
"Bizde qoı ústinde boztorǵaı jumyrtqalaǵan zaman" dep kókıtin aǵaıyn jaýap bersinshi...
"Shańyraq" oqıǵasynan bastap, búginge deıin qansha qyrǵyn boldy? Sanasańyz saýsaǵyńyz jetpeıdi.
Dini bar, saıasaty bar, basqasy bar, áıteýir bir tynyshtalǵan emespiz...
Osyndaıda álemniń 70-80 mıllıon halqy bar eldermen 17 mıllıon halqy bar Qazaqstandy salystyrmaýlaryńyzdy suraımyn! Beıbit bolsaq eken! Qan tógilmese eken!
Bizdiń tileýimiz osy ǵana!
P/S
"Dinı bostandyqty" jeleý etip, halyqty túrli jolǵa salyp jatqan ár aǵymnyń isine memleket jaýapty. Olardan kelip-keter qaýipti baǵamdaı almaǵandyǵy úshin...
Qanat Ábilqaıyrdyń Feısbýktegi paraqshasynan alyndy
