AQSH saılaýy. Bul eldiń saılaýy jalǵyz AQSH-qa emes, búkil álemge qyzyq. Búkil álem resmı túrde bolmasa da, AQSH-taǵy basty ańdyp otyrǵany sózsiz. Ásirese, Reseı. Óıtkeni, kelesi aq úı qojaıynynyń oıyn erejesi qandaı bolmaq? Reseıdiń aýyzdyǵyn alyp, jańa saıasat qura ma? Bolmasa, B.Obamanyń «AQSH álemge jaýap beredi» saıasatyn júrgize me? Árıne, Reseı Klınton! Klınton! –dep tur. Hosh, saıasat qoı. Tisim batpaıdy...
Saılaýǵa áli birneshe aı bar bolsa da, prezıdenttik taqqa talasý barǵan saıyn qyza tústi. Aldyn ala saılaý qorytyndysynan «Bári endigi túsinikti. Kelesi prezıdent kim bolatyny anyqtaldy» deseńiz qatelesesiz. Bul elde resmı saılaýda barlyǵy kerisinshe qubylýy ǵajap emes. Sondaı-aq saılaý júıesi múldem basqa. AQSH-ta osy kúnge deıin 44 Prezıdent aýyssa da eshqaısysy bizdegi saılaýdaǵydaı 97,5% daýys jınamapty...
AQSH-tyń saılaýy osy jyldyń 8-shi qarashasynda ótedi. Qazir eki myqty anyqtaldy. Biri munaralardyń qojaıyny, mıllıarder –Donald Tramp.
Al, demokratıalyq partıa atynan resmı túrde alǵashqy áıel kandıdat- Hılları Klınton.
Meniń oıymsha, AQSH-tyń birinshi hanymy Hılları Klınton Aaq úıdiń qyryq tórtinshi qojaıyny bolýy ábden múmkin. Óıtkeni, memlekettik isterdi jetik biletin, 20 jyldan asa saıasattyń tilin biletin myqty saıasatker. Ýaqyt ótken saıyn, saılaý jaqyndaı kele Respýblıkandyqtar da Klıntondy qoldaı bastady. Al, keıbir bilikti saıasatkerlerdiń aıtýynsha: «Tramp saıasatta bolmaǵan. Sondaı-aq, dóreki minezinen, qyrsyqtyǵynan qorqady. Atom kody men jalǵyz AQSH-tyń emes, búkil álem tizginin Trampqa berý qaýipti» deıdi. Bul endi saıasatkerdiń sózi. Álem tizgini degen artyq bolar. Biraq AQSH-AQSH qoı...
Siz kim bolady dep oılaısyz?
1) Demokrattar atynynan shyǵyp, 20 jyl saıasatta júrgen Hılları Klınton. Burynǵy birinshi hanym endi memlekettiń birinshi adamy bolýy ábden múmkin.
2) Bizdiń prezıdentten 6 jyl kesh týylǵan. «Mıllıarder bolamyn» - dep jeti ret qulap, segiz ret turǵan Tramp! Ǵımarattardyń qojaıyny, minezi qatal, qaıtpas-qaısar ata, respýblıkandyqtar úkilegen Donald Tramp.
Qyzyqty derekter:
AQSH-tyń 42-shi Prezıdenti Bıll Klınton – Hılları Klıntonnyń kúıeýi. Eger de Klınton prezıdent bolsa, AQSH-tyń tuńǵysh áıel prezıdenti bolady. Sondaı-aq, erli-zaıypty Klıntondar prezıdent bolady. «42+45=Klıntondar» bolýy ǵajap emes.
Nursultan Qaseke
