Sońǵy bir aıda 60 myńnan astam Ońtústik Sýdan turǵyny elin tastap qashqan. Búginde qarýly qaqtyǵystar saldarynan bul elde azy-túlik tapshylyǵy oryn alýda. Bul týraly BUU-nyń jańalyqtar ortalyǵy habarlaıdy. Dárigerler aatalmysh elde tyrysqaq aýrýy tarap jatqanyn aıtyp dabyl qaǵýda. BUU osy máselege baılanysty soǵysýshy taraptarǵa kómekke zárý adamdardyń bar ekenin eske saldy. «Djýbada kúsh kórsetýler saldarynan ótken aıda elden 60 myń adam qashyp shyqqan. Sóıtip 2013 jyly shamamen 900 myń Ońtústik Sýdan turǵyny bosqynǵa aınaldy» dedi, BUU-nyń Bosqyndar isi jónindegi Joǵarǵy komısar basqarmasynyń baspasóz hatshysy Melıssa Flemıng Jenevada ótken brıfıńte.

Ýgandaǵa aýǵan Ońtústik Sýdandyq bosqyndar sany sońǵy on kúnde eki esege ósken  (úsh aptada 52 myńnan astam adam barǵan). Osy ýaqyt aralyǵynda Kenıaǵa shamamen 1000 Ońtústik Sýdan azamaty aýypty. Bosqyndardyń aıtýynsha, qarýly toptar eldiń búkil terıtorıasynda oılaryna kelgenin isteýde. Olar aýyldarǵa shabýyl jasap, azamattardy óltirip, jas jigitterdi qarýly topqa qosylýǵa kúshtep májbúrleýde.

Qazirgi tańda Ońtústik Sýdanda tyrysqaqtyń 586 oqıǵasy tirkelgen. Jıyrma adam osy aýrýdan kóz jumǵan. Aýrýmen kúresýge eldegi medısınalyq mekemeler dármensiz bolyp otyr. Halyqtyń teń jartysyna kóbi halyqaralyq gýmanıtarlyq kómektiń arqasynda kún kórip otyr. BUU-nyń gýmanıtarlyq máseleler jónindegi basqarmasynyń baspasóz hatshysy     Iens Laerkeniń sózine sensek, Ońtústik Sýdannyń 4,8 mıllıon turǵyny toıyp tamaq ishpeıdi eken. Ázirshe halyqaralyq  kómektiń tolassyz kelýine qaramastan bul  eldegi jaǵdaı jaqsarar emes.   

Dana Qamshybek