SHQO-da «Qazaqstannyń úzdik taýary – 2016» baıqaýynyń aımaqtyq kezeńi ótip, jeńimpazdar anyqtaldy. 60-qa jýyq kásiporyn qatysqan baıqaýdyń júldegerleri endi respýblıkalyq kezeńde oblys atynan qatyspaq, - dep habarlaıdy Qamshy.kz.

Aıta ketsek, atalǵan sharaǵa aǵymdaǵy jyly ashylyp, kásibin endi ǵana dóńgeletip úlgergen birqatar kásiporyndar qatysty. Kórmege qoıylǵan ónimder arasynan azyq-túlik, sharýashylyq pen óndiristik ónimderdi kezdestirýge bolady.

«Ótkizilip otyrǵany sharanyń negizgi maqsaty, otandyq ónimdi qoldaı otyryp, kásipkerlerdiń bedelin arttyrý bolyp tabylady. Qazirgi kúnniń ózinde Shyǵys Qazaqstanda óndiriletin, sonyń ishinde aýyl sharýashylyq salasynyń ónimderiniń sapasy joǵary, suranysqa ıe. Osylaısha básekelestikke qabilettiligimizdi arttyryp, tutynýshylarǵa tabıǵı ónim usynyp otyrmyz», – dedi SHQO Kásipkerler palatasynyń dırektory Igor Shaskıı.

Sarapshylardyń qorytyndysy boıynsha, úshinshi oryndy medısınalyq qural-jabdyqtardy jasaýmen aınalysatyn «Terra Vıta» JSHS ıelendi. Al ekinshi oryn «Masla ı smazka Kazahstana» JSHS-na buıyrdy.

Al, baıqaýdyń bas júldesin «Adekom PromMash» JSHS ıelendi. Atalǵan kásiporyn syǵylǵan aýaǵa arnalǵan quraldardy jasaýmen aınalysady. Búgindegi álemdik qarjylyq daǵdarysqa qaramastan, óndirisi oshaǵynyń kásibi órge domalap keledi.   

Aımaqtyq kezeńde jeńiske jetken kásiporyndar respýblıkalyq baıdaýda oblys atynan qatyspaq