Qazaqstannyń Bilim jáne ǵylym mınıstri Erlan Saǵadıev búgin bilim jáne ǵylym qyzmetkerleriniń tamyz keńesinde Qazaqstandaǵy qazaq-túrik lıseıleriniń jumysyna qatysty oıyn osylaı bildirdi, - dep habarlaıdy Qamshy.kz.

«Prezıdenttiń tapsyrmasyna sáıkes, BǴM jumys toby qurylyp, jumysyn bastady. Biz túrik tarapymen baılanysta jumys isteımiz. Alaıda bul oqý úderisine qatysy joq. Bul bizdiń qazaqstandyq mektepter jáne olar qatań tártipte elimizdiń standarttarymen qyzmet etýde. Biz bul lıseılerdi birneshe márte teksergen edik. Olarǵa qatysty eshqandaı narazylyq joq. Bul turǵyda lıseıler burynǵysynsha jumystaryn jalǵastyrady», -dedi mınıstr.

Esterińizge sala keteıik, 15 shilde kúni Ystambulda áskerı búlik oryn alyp, bul kóterilisti «Túrik Qarýly kúshterine enip alǵan Fetxýllaxshyl lańkestik uıymy uıymdastyrdy» dep jarıalandy.

Osyǵan oraı, Qazaqstanda qoǵam arasynda KATEV qorymen qurylǵan Qazaq-Túrik lıseıleriniń taǵdyry taqyryby qyzý talqyǵa túse bastady. 

Elbasy N. Nazarbaev Túrkıaǵa jasaǵan sapary barysynda da bul mektepterdiń Qazaqstannyń memlekettik oqý oryndary ekenin, oǵan eshqandaı shaǵym joq ekenin aıtqan bolatyn.