Bizge qazaqsha erkin sóıleıtin, qazaq tarıhyn jaqsy biletin, qazaqtyń qamyn oılaıtyn, qazaq jeriniń qadirin túsinetin, halyqtyń arasynda kóp júretin, qazaq ıisi bar jańa premer-mınıstr aýadaı qajet bop tur. Bundaı premer kelse, mamandar da tabylady, ekonomıkany da túzetýge bolar edi.
Sol sebepti de, el basqarǵan máńgúrtter bılikten ketýi kerek. Eldiń ekonomıkasyn bular tonap, búldirip tastady. Endi olar ekonomıkany túzete almaıdy. Men buny baıaǵyda túsindim. Qandaı saýatty maman bolsa da júrekte ulttyq ot jańyp turmasa - istiń bári bos, dalbasa. Kókireginde taza nıet joq bolsa qaıtesiń?
Sondyqtan 1 qyrkúıekten bastap – jańa saıası maýsymda – Úkimet pen Parlamenttyń túgel otyrystary memlekettik tilde - qazaq tilinde ótý kerek. Jerkomnyń otyrystary taza qazaq tilinde ótip aqyry nátıjesin ákeldi. Óıtkeni qazaq tili - ol demokratıa men ádilettiktiń tili. Qazaqsha sóılep turyp sol qazaq halqyna zıan sheshimdi qabyldaý qıyn bolady.
Sońǵy 10-15 jyldyń ishinde eldiń demografıasy qaǵıda turǵysynda ózgerip ketti. Qazaqstandyqtar qazaq tildi halqyna aınalyp ketti. Sol sebeppen qazaq tilin bilmeıtin Úkimettiń músheleri jáne sondaı parlament depýtattary oryndaryn óz erkimen bosatyp ketý kerek. Jańa mınıstrler men depýttar prezıdent sıaqty qazaq tilinen kádimgi emtıhan tapsyrsyn. Boldy, ondaı kez keldi.
Áıteýir, bul Úkimet pen Parlament Qazaqstannyń okýpasıalyq organdar bolmasa bul memlekettiń tilinde sóılesin. Al sóılese almaıtyndar ketsin, olardyń kezi ótti. Zaman ózgerdi.
Muhtar Taıjannyń Feısbýktegi paraqshasynan alyndy
