Densaýlyq saqtaý mınıstri S. Qaıyrbekova, 

Almaty qalalyq densaýlyq saqtaý basqarmasy nazaryna!

    Elimiz táýelsizdik alǵaly jıyrma jyldan astam ýaqyt ótti. Az ba,  kóp pe, biraq tarıhtyń qatparyna ketken KSRO-nyń sarqynshaqtaryn tazartatyn ýaqyt áldeqashan jetken sekildi edi. Alaıda, bul  «jańalyq» elimizdegi  eń bedeldi oqý  ordasy QazUÝ-dy aınalyp ótkendeı. Sebebi, QazUÝ stýdentter emhanasynyń mórinde  áli kúnge  deıin  QazSSR degen  jazý tur. Naqtyraq  aıtqanda, táýelsizdiktiń 23 jylynda mór aýystyrylmaǵan. Jáne  osy ýaqytqa deıin bul máselege nemquraıly qarap kele  jatyr. Bul týraly ýnıversıtet stýdenti Asylzat Altaı:  «Bul másele stýdentter arasynda osydan bir-eki jyl buryn da kóterilip jabýly qazan jabýly kúıinde qalǵan bolatyn. Osyndaı nemquraılyqqa jol berip otyrǵan mekemeniń ǵana emes, bárimizdiń de kinámiz bar. Al oqý orny turǵysynan alǵanda, mundaı soraqylyq eldegi kósbasshy oqý orny degen atyna syn. Ekinshi jaǵynan osynyń astarynada belgili bir jymysqy pıǵyl jatqan joqpa degen jaman oı qylań beredi», - deıdi.

    Shyndap kelgende basqa memlekette mundaı jaıttar aýyr qylmys bolyp esepteledi.  Bul Konstıtýsıaǵa qaıshy. Ata Zańda  «Egemendi memleket», Qazaqstan Respýblıkasy dep taıǵa tańba basqandaı etip jazylǵan. Sonda 23 jyldan beri SSSR-diń mórin paıdalanyp kelgen Stýdentter emhanasyna «munyń ne?»  degen eshkim tabylmaǵan ba? Basqasyn bylaı qoıǵanda, Qazaqstannyń jas tálimgerlerine, bolashaq el ıelerine densaýlyq anyqtamasyn beretin ortalyqtyń bulaı isteýi neden derek beredi?

 Sondyqtan,   Almaty  qalasy  Densaýlyq saqtaý  basqarmasy jáne QazUÝ basshylyǵyna  bul keleńsizdikti joıý kerektigin eskertemiz. Zańdy, jarıaly túrde jaýap berýlerińizdi suraımyz!