2016 jyldyń 27 tamyzynda Túrkıa memleketiniń astanasy  Ankara qalasynda mega mentaldy arıfmetıkadan ashyq halyqaralyq "MEMORIAD 2016"  chempıonaty ótti, - dep habarlaıdy Qamshy.kz.

Bul chempıonatta álem boıynsha 5-12 jas aralyǵydyǵy 213 oqýshy qatysty. 

Týrnır eki týrdan turdy: 1 týr -"Dybystyq anzan" ı 2 týr "Flash Anzan", eki týrda 0,3 sek aýysý jyldamdyǵymen aýysatyn 30 birtańbaly sannan bastap, 10 tórttańbaly sanǵa deıin sandardy oısha esepteý kerek. Chempıonatta Qazaqstannan barǵan 7 oqýshy óz baqtaryn synap kórdi.  Bul oqýshylar Mega Intellekt baǵdarlamasy boıynsha Almaty qalasyndaǵy Elite school mektebinde bilim alýda.

Chempıonat nátıjesi:   12 jas aralyǵynda: 2 oryn – Baıjaqyp Marǵulan; 3 oryn – Ádilseıtov Ársen; 5 oryn – Pralıeva Jibek;  9 jasar aralyǵynda: 3 oryn – Qamytbek Dýlat; 7 jas aralyǵynda: 2 oryn – Baıjaqyp Álfıa; 3 oryn – Baıjaqyp Qaınar; 5 oryn – Aıtqul Jantóre. Jalpy esep boıynsha birinshi 50 ke kirdik. Respýblıkalyq olımpıadada absolútti chempıon atanǵan  Baıjaqyp Marǵulan, endi memleketimizdiń namysyn 3-11 qarasha aralyǵynda Las Vegasta ótetin olımpıadada qorǵaıtyn bolady.