Almaty kóshelerine birshama úzilisten soń «Krıs P» fotoradarlary qaıta oraldy, - dep habarlaıdy Qamshy.kz motor.kz – ke silteme jasap.

Kólik quraldarynyń jyldamdyǵyn ólsheıtin utqyr qurylǵy qalanyń tómendegi kóshelerinde ornalasqany týraly aqparat taraýda:

- Saın dańǵylymen soltústik baǵytta, Tóle bı dańǵylynan tómen tusy;

- Shemákın kóshesiniń Moldavskaıa kóshesinen tómen tusy (Rysqulov dańǵylynan tómen túskendegi birinshi baǵdarshamnan soń);

- Mamandandyrylǵan Halyqqa qyzmet kórsetý ortalyǵyna («AvtoSON») baratyn jol;

- Rysqulov dańǵylymen shyǵys baǵytta kele jatqanda Jansúgirov aınalma jolynyń aldynda;

- Súıinbaı dańǵylynda ońtústik baǵytta (Rysqulov dańǵylyna jetpeı);

İle tas jolynda «Juldyz» yqsham aýdanyna qarama qarsy.

Sondyqtan, atalǵan aýmaqta júrgizýshilerdiń tizgindi tartyp ustaǵany jón.