Redaksıamyzǵa habarlasqan Ońtústik Qazaqstan oblysy Saıram aýdanynyń turǵyndary mektep ákimshiligi oramal taǵatyn oqýshy qyzdarynyń quqyǵy shektelgenin aıtyp otyr.

«OQO, Saıram aýdany, Yntymaq aýyly № 24 M.Mahajanov atyndaǵy  jalpy orta mektepte, bizdiń qyzdarymyz mektepke barǵan kezinde shyǵaryp qaıtaryp jiberipti, sebebi qyzdarymyz oramalda júredi. Biz ata – atanalar sebebin sýraýǵa bardyq. Mektep  basshylyǵy oramaldy sheshpese mektepke kirgizbeıtinin aıtty», - dep otyr Shamhat Bolatov, Batyrjan Ǵaııbnazarov, Shamshıddın Bolatov, Batyrjan Kárimbaev esimdi aýyl turǵyndary.

Olar qyzdaryna mektep úlgisindegi arnaıy forma kıgizgenmen, bastaryndaǵy oramaldaryn sheshýden úzildi-kesildi bas tartýda.

Esterińizge salsaq, Bilim jáne ǵylym mınıstrliginiń bastamasymen orta mektep oqýshylary úshin birińǵaı mektep formasyna kóshý týraly talap kúshine engen bolatyn. Quzyrly mınıstrlik buǵan deıin mektep kıiminiń úlgisi ár mekteptiń ata-analar jıynynda anyqtalatynyn habarlaǵan.