Aqtaýlyq polıseıler 6 jastaǵy qyzdy zorlaǵan pedofıldi qolǵa túsirdi, - dep habarlaıdy Qamshy.kz KTK arnasyna silteme jasap.

32 jastaǵy azǵyn oıyn balasyn aıýandyqpen azaptaǵanyn ózi de  moıyndaǵan. Onyń kishkentaı qyzǵa seksýaldyq qysym kórsetkeni arnaıy saraptama da dáleldepti. 

Al, búldirshinniń ózi múgedek bolyp qalýy múmkin. Dárigerlerdiń aıtýynsha, oıyn balasynyń mıy qatty  shaıqalǵan. Áli esin bilmeıdi. Kishkentaı qyz qazir Astanadaǵy Ana men bala ǵylymı ortalyǵynda jansaqtaý bóliminde jatyr. Densaýlyǵyn elordalyq dárigerler kúni-túni baqylaýda. Biraq budan  qyzdyń beti beri qaraıtyn túri joq. Esterińizge salsaq, eldi dúrliktirgen jantúrshigerlik oqıǵa 20-shy tamyz kúni bolǵan. 6 jastaǵy qyz joǵalyp ketip, birneshe saǵattan soń qansyraǵan sábı Aqtaý shetindegi saıajaıdan tabylǵan edi. Sóıtse, azǵyn búldirshindi aıamaı, oıyna kelgenin istepti.