Shotlandıa Ulybrıtanıadan bólinip shyǵý týraly referendýmnyń zańdyq negizin daıyndaýdy bastady. Bul týraly el úkimetiniń birinshi mınıstri Nıkola Sterdjen habarlady. Ótken aptada ol búkil el kóleminde osy máselege baılanysty qoǵamdyq zertteý júrgiziletinin málimdegen edi.
«Segodná.ua»-niń habarlaýynsha, Sterdjen hanym buǵan deıin Ulybrıtanıanyń Eýropalyq Odaqtan shyǵýy jónindegi 23 maýsymda ótken referendýmǵa baılanyssyz, Shotlandıanyń EO quramynda qalýy kerektigin aıtqan.
2014 jyldyń qyrkúıek aıynda Shotlandıada Ulybrıtanıadan bólinip shyǵý týraly referendým ótken bolatyn. Ol kezde turǵyndardyń 55 paıyzy eldiń Ulybrıtanıa quramynan shyǵýyna qarsy daýys bergen.
