Kelesi jyly Shyǵys Qazaqstannyń oblys ortalyǵynda qurylysynda arhıtektýranyń sońǵy úlgileri paıdalanylǵan jańa park ashylady, - dep habarlaıdy Qamshy.kz.
Park pen monýment qalanyń sol jaq bóliginde ornalasady. Óskemen qalasy úshin bul kútpegen ári biregeı arhıtektýralyq sheshim. 5 ga aımaqqa arnalǵan parkte demalys oryndary, balalar oıyn jáne sport alańdary, shaǵyn arhıtektýralyq keskinder, oryndyqtar, LED jaryq shamdary ornatylyp, 500 aǵash kósheti otyrǵyzylady. Parktiń dál ortasynda Qazaqstan halyqtary birliginiń sımvoly retinde «Nurly Jol» monýmenti ornatylady. Memlekettik týdyń túsimen boıalǵan monýment, shańyraq pen qalyqtap ushqan qyrannyń bıiktigi 22 metrdi quraıdy. Park janynan 10 kóp qabatty turǵyn úı salynatyn bolady.
Aımaq basshysy Danıal Ahmetov qurylys jumystarymen tanysa kele, óziniń on baǵasyn berdi.
- Bizde keremet jańa park ashylatyn bolady. Onyń artynda 10 kóp qabatty turǵyn úı salynady. Osy arqyly biz buǵan deıin aıtylǵan Sátpaev dańǵyly boıynda turǵyn úılermen qatar mádenı nysandarynyń qurylysyn bastaýdy júzege asyryp otyrmyz. Sonda ǵana turǵyndar úshin barlyq jaǵdaı jasalyp, jaıly ómir súrýlerine bolady. Bul qala adam úshin uǵymynyń negizgi túıini bolmaq. Memleketimizdiń bolashaǵyn keskindeıtin jańa joba qurylysynyń bastalýyna qýanyshtymyn, - dedi Danıal Ahmetov.
Qazirgi ýaqytta «Nurly Jol» parkiniń aýmaǵynda baılanys pen qatynas jelileri ornatylyp, beton jumystary júrgizilip jatyr. Joba avtory Sársen Sııtovtyń aıtýynsha bul biregeı joba. Ol adamdar barynsha baǵa beretinine senim bildiredi. Parktiń ashylýy 2017 jyldyń maýsym aıyna josparlanyp otyr.
