Aqordada ótip jatqan Úkimettiń keńeıtilgen otyrysynda Nursultan Nazarbaev keshegi aýys-túıisterdiń sebebin túsindirdi, - dep habarlaıdy Qamshy.kz Baq.kz - ke silteme jasap.

«Úkimette bolyp jatqan ózgeristerdi estip-bilip otyrsyzdar. Onyń óziniń logıkasy bar. Birinshiden, qaýipsizdik máselesi jaǵyn kúsheıtý, nyǵaıtý, deńgeıin kóterý máselesi bar. Odan keıin Kárim Másimovty óziniń kelisimi boıynsha qajetti jerge baryp otyr. Bul qazir óte qajetti bolyp turǵanyn kórip otyrsyzdar. Terorızm, basqa jaǵy da bar. Tájirıbesi bar, respýblıkanyń jaǵdaıyn biledi dep qoıdym», - dedi N.Nazarbaev.

Memleket basshysy atap ótkendeı, Premer-mınıstrdiń bosatylýyna baılanysty Úkimet qazir otstavkaǵa ketti.

«Kóp sozbaı, bárin sheshetin bolamyz. Jańa basshylardy, jańa mınıstrler bolady. Onsha kóp ózgerister bola qoımas dep sanaımyn. Sebebi Úkimet óz jumysyn qıyn-qystaý jaǵdaıda oryndap jatyr. Búgin jyldyń aıaǵyna deıin ne isteıtinimizdi kelisip alaıyq», - dedi Elbasy.

Eske sala keteıik, keshe mınıstrler kabınetine jetekshilik etken Kárim Másimov QR Ulttyq qaýipsizdik komıtetiniń tóraǵasy qyzmetine taǵaıyndaldy. QR Premer-Mınıstriniń mindetterin ýaqytsha atqarý Baqytjan Saǵyntaevqa júkteldi. Memleket basshysynyń Ókimimen QR UQK-niń burynǵy basshysy Vladımır Jumaqanov Qazaqstan Prezıdentiniń keńesshisi qyzmetin atqaratyn boldy.