Artynan reseılik basylym aıybyn moıyndap, boksshynyń jankúıerlerinen keshirim surady, dep habarlaıdy  Qamshy.kz BNews.kz-ke silteme jasap,

«Orta salmaqtaǵy reseılik chempıon Gennadıı Golovkın men Ulybrıtanıalyq Kell Brýk arasyndaǵy jekpe-jekten keıin ulybrıtanıalyq boksshyǵa ota jasaý qajet. Bul týraly 11 qyrkúıekte «R-Sport» habarlady», - dep jazypty reseılik basylym.

Áleýmettik jelilerde azamattarymyz osy aqparatty qyzý talqylap, basylymdy qatty synǵa alýy muń eken, «Jýrnalısckaıa pravda»: «jibergen qateligimiz úshin qazaqstandyq oqyrmandarymyzdan keshirim suraımyz. Gennadıı Golovkın, árıne, Qazaqstan boksshysy» - dep keshirim surap qutylýdy jón kóripti.

Aıta keteıik, mundaı jaǵdaı qazaqstandyq bokssúıer qaýymnyń ashýyna tıgen birinshi jaǵdaı emes. Reseıde Golovkındi Reseı azamaty dep shatastyratyn jaǵdaılar jıi oryn alyp turady. 2015 jyly "Gazeta.Ru" saıty Gennadıı Golovkın men Martın Múrreı jekpe-jegi qarsańynda "Reseılik nokaýtshynyń 32-shi qadamy" degen taqyryppen maqala jarıalaǵan edi.

Esterińizge salaıyq, Golovkın – Brýk jekpe-jegi senbiden jeksenbige qaraǵan túni Ulybrıtanıa astanasy Londonda qalasynda ótti. Boksshylardyń aıqasy besinshi raýndta aıaqtaldy. Otandasymyzdyń qarqynyna tótep bere almaǵan Brýkty komandasy sharshy alańǵa oramal tastap qutqaryp aldy.

Golovkınniń bapkeri Abel Sanchestiń aıtýynsha, qazaqstandyq boksshy jyl sońyna deıin taǵy bir jekpe-jek ótkizedi.