Orta salmaqtaǵy birneshe tıtýldyń ıegeri, qazaqstandyq Gennadıı Golovkın osy salmaqtaǵy WBO chempıony ulybrıtanıalyq Bıllı Djo Sonderstiń shaqyrtýyna jaýap berdi, - dep habarlaıdy  Qamshy.kz Vesti.kz silteme jasap.

Esterińizge salsaq, orta salmaqtaǵy WBA (Super), IBO, WBC jáne IBF tujyrymdary boıynsha álem chempıony qazaqstandyq Gennadıı Golovkın jartylaı orta salmaqta IBF nusqasy boıynsha álem chempıony ulybrıtanıalyq Kell Brýkti besinshi raýndta nokaýtpen jeńdi. 

"Gennadıı Golovkın, sen daıyn bolǵanda, men de daıyn bolamyn. Biraq eshqandaı da orta salmaq týraly áńgime bolmaıdy. Estip tursyń ba?", - dep jazdy Sonder paraqshasynda. Sonymen qatar, bul jazbany qaldyrǵanda ulybrıtanıalyq boksshy boreRat tirkesin qoldanypty. Osylaısha Sonders "Borat" fılmin esine alyp, Golovkınnyń namysyna tımek bolǵan.

"Men Sonderspen judyryqtasqym keledi jáne men barlyq qarsylasyma ashyqpyn. Meniń oıymsha ol daıyn. Bul bıznes. Sonders kóp sóıleıdi. Bul árıne telekórsetilim jáne jankúıerler úshin óte jaqsy. Nege joq deımin? - dedi Golovkın Sky Sports baslymyna bergen suhbatynda.

"Gennadııdiń kelesi jekpe-jegi qarasha nemese jeltoqsan aılarynda ótedi. Onyń kelesi qarsylasy básekelesýge qabiletti, Brýk sekildi bolýy tıis. Sonders? Múmkin. Fanattar sondaı tartysty jekpe-jekti tamashalaýǵa laıyqty. Iýbenk? Mundaı kezdesý de múmkin, alaıda bul promoýterlerge baılanysty, Krıstiń ózi jáne ákesi kelise alady ma. Londonǵa qaıtyp kelsek tamasha bolar edi, mundaı shýly qoldaýmen Sonders  nemese Dı Geılmen kezdesý uıymdastyrýǵa bolady", - dedi Sanches iFL TV arnasyna bergen suhbatynda.

Qazaqstandyq boksshynyń promoýteri Tom Lefflerdiń aıtýynsha, eger olar Djeıkobspen kelise almasa, olar Sonderspen jekpe-jek uıymdastyrýǵa kirispek.