Meksıkalyq boksshy Saýl "Kanelo" Alvares (47-1-1, 33 KO) WBA (Super), IBO, WBC jáne IBF tujyrymdary boıynsha álem chempıony qazaqstandyq Gennadıı Golovkındi (35-0, 32 KO) "nokaýttar koroli" dep ataýyna baılanysty pikir bildirdi, - dep habarlaıdy Qamshy.kz Tengrinews.kz  silteme jasap. 

Aıta keteıik, Golovkın - Kell Brýk kezdesýi qyrkúıektiń 10-nan 11-ne qaraǵan túni ótken bolatyn. Qazaqstandyq Gennadıı Golovkın jartylaı orta salmaqta IBF nusqasy boıynsha álem chempıony ulybrıtanıalyq Kell Brýkti besinshi raýndta  nokaýtpen jeńgen bolatyn. Golovkın osymen 36 kezdesýindegi 36-shy jeńisine qol jetkizdi. Al Brýk bolsa kásipqoı boksta birinshi ret jeńiliske ushyrady.

"Kanelonyń" aıtýynsha, ol bul kórsetkishterge esh tańǵalmaıdy.

"Men Golovkınnyń kim bolǵanyn jáne kim ekenin bilemin. Adamdar ony "nokaýttar koroli" dep ataıdy, sebebi ol jekpe-jekti nokaýtpen jeńdi... biraq kimdi nokaýtqa túsirdi? Eshkimdi", - dedi Alvares LA Times basylymyna bergen suhbatynda.

Aıta keteıik, 17 qyrkúıekte Alvares WBO nusqasy boıynsha orta salmaqtaǵy ulybrıtanıalyq Lıam Smıtpen kezdesedi.