Kingston Technology Inc. zaýytynyń vıse-prezıdenti Kevýn Vý myrza jýrnalıserge arnap 2014 jyldyń 6-11 sáýiri aralyǵynda zaýyttyń ornalasqan jeri Qytaı Respýblıkasyndaǵy Shanhaı qalasyna jýrnalısik sapar (pres-týr) uıymdastyrdy.
Kingston kompanıasynyń Almaty qalasyndaǵy ókili Alına Nadyrova basshylyq jasap barǵan jýrnalısik top jýrnalısik zertteý jasasa, kompanıa ol úshin múmkindiginshe barlyq jaǵdaı jasady. Arnaıy kompanıa basshysy Kevın Výdyń shaqyrtýymen uıymdastyrylǵan is-saparda zaýyttyń tolyq jumysymen tanysyp, shıkizattan qalaı daıyn ónim alynatynyna kóz jetkizdik. Jýrnalısermen kezdesýde sóz alǵan NR dırektor Anjela Iang Kingston Technology Inc. boıynsha jalpy málimet berip, jumys barysymen tanystyrdy. Kompanıada jalpy sany 3500 adam qyzmet etedi. Ónimder álemniń barlyq elinde satylymda bar. Bas keńse AQSH Kalıfornıada ornalasqan. Taıvanda alys shyǵystaǵy óndiristik keńse ornalasqan. «Bizdiń Shanhaıdaǵy zaýytta eki logısta ortalyǵymyz bar. Birinshisi, Sanberrı (Ulybrıtanıa), ekinshisi Dýblınde (Irlandıa). Taıvanda SSD jáne USB qurylǵylary jasalady. Bizde ValueRAM jáne operatıvtik jad jasap shyǵarady. Jalpy zaýyttyń ınvestısıasy 2001 jyly 65 mln. dollardy qurady. Al, jalpy zaýyttyń aınalymy 2014 jyly 43 mln. dollardy, al taýardy eksportqa shyǵarý 1 mlrd. 800 mln. dollardy quraǵan. 2001 jyly zaýyt óz jumysyn bastaǵan tusta USB jınaqtaý qurylǵylaryn jasaýdan bastaǵan bolatyn. 2010 jyly SSD jasaý qolǵa alyndy. Zaýyt 8 saǵattan 3 aýysymda 24 saǵat jumys isteıdi», - dedi NR dırektor Anjela Iang.
Operatıvti jad SMT lınıalary arqyly 16 lınıamen júzege asady. Lınıalar avtomatty túrde arnaıy mashınalar arqyly jasalady. Alty saǵat ishinde 1200 danasyn jasap úlgeredi. Al daıyn ónim tekserýge jiberiledi. 300 danasy 4 lınıaǵa salynyp, jalpy kólemi 6000 danany quraıtyn qurylǵylar bir salǵanda tekserýden ótedi. Munda jasalatyn árbir qurylǵylarǵa ártúrli tekserý jasalynyp, tómen temperatýraly jáne joǵary temperatýraly bolyp bólinedi. Bir kúnde 50 000 USB shyǵarylady. Qoımanyń jalpy bıiktigi 16,5 mert bıiktikti quraıdy. Avtomattandyrylǵan mashına árbir qutynyń ornyna aparyp kerek zattardy qoıady, sol jerden alady. Bir jınaq jasaý úshin avtomat palletti (júk tasymaldaýǵa arnalǵan ydys túri) alyp, sapany tekserýge kirisedi. Birinshi, kólemi ólshenedi, turaqtylyǵy ólshenedi. Sosyn oraıtyn materıal jasalady. Teledıdardan júıeniń jumysy kórsetiledi. Qaı deńgeıde ekeni baqylanady. Jáne kosmetıkalyq aqaýlary bar ma sony qarap, tekserý jumysy isteledi. Ónimge tekserý túrleri óte kóp jasalynady: avtomattyq, kompúterlik, vızýaldy jáne USB-diń qyzmet etýi týraly test, orap, qaptaý týraly test. SSD qurylǵysyna da test osylaı jasalyp, júk tasymaldaý jumysyna jetkiziledi. Taýardyń bul túri Taıvannan shyǵarylady.
Jad modýlderiniń 80% óndiretindikten IT tehnologıa boıynsha naryqta bar kompanıalar arasynda Kingston Technology Inc. joǵary mártebege ıe. Zaýyttyń QA jetekshisi Eg Goh bolashaqta osy ónimge degen suranys arta túsedi dep kútiletindigi, áriptesterimen baılanys týraly qoıylǵan saýalǵa onyń qupıa ekenin, degenmen iri degen Japonıa jáne AQSH kompanıalarymen tyǵyz qarym-qatynasta jumys isteıtindikterin de aıtyp ótti. Investısıanyń tartylýy qaı deńgeıde degen suraqqa, bıyl ınvestısıanyń kóp bóligi jańa qurylǵylar alýǵa jumsalatyndyqtan, odan ózge úlken ınvestısıa josparda joq ekenin atap aıtty. 2004-2013 jyldar aralyǵynda 65 mln. dollar ınvestısıa jasalǵan. Al daǵdarys tusynda kompanıa, zaýyt ózin qalaı baqylaýda ustaǵany, turaqtylyq árqashan saqtalyp turatyndyǵyna toqtaldy. Turaqty túrde belgili mólsherde ónimniń óndirilip keletindigi zaýyt jumysyna oń áser etedi. Sonymen qatar, ónimniń sapaly álde qoldan jasalǵan jasandy ekenin arnaıy qaptamadan bile alasyz, nemese Qytaıdyń Pekın qalasyndaǵy keńsesine habarlasyp bilýge bolady. Jetekshi ári basshy retinde eń basty ári mańyzdy mindetti atańyzshy degende «Birinshi-sapa. Sapa, sapa, sapa» dep jaýap berdi. Bul ujymdaǵy basty qaǵıda ekenin ańǵardyq. Sapaǵa jumys isteý naryqta básekege qabiletti bolýdy ári únemi tabysty bolýdyń kepili degen ustanymda jumys atqarylatynyn ańǵardyq.
Bizdiń saparymyzdyń maqsaty osy joǵaryda atalǵan bizdiń kúndelikti ómirimizdegi turaqty qoldanystaǵy ónimderdiń qalaı jasalatynyn óz kózimizben kórip qaıtý bolatyn. Osy tusta Shanhaı qalasyndaǵy zaýyttyń basshylyǵy men qyzmetkerleri úlken dárejede qurmet kórsetip, jyly júzben, qýanyshty kóńilmen qarsy aldy. Alyp shaharda ornalasqan zaýyt tabıǵaty tamasha jerde ornalasqan. Qalalyq áýejaıdan 45 km qashyqtyqtaǵy 3-qabatty zaýytty túgel aralap, barlyq óndiris núktelerimen tanystyq. Kútip alǵan toptan bastap, barlyǵy jumys ornynda arnaıy kıimmen kıingen. Aıaq kıim, bas kıim, dene túgel jabyq turatyn syrt kıim kıý mindetti. Sondaı kıim bizge de berildi. Sodan soń ǵana zaýyttyń naǵyz tabaldyryǵyn attap, shıkizattan daıyn ónimge deıingi prosesti basynan aıaq aralap, kórdik. Jad modýlin jasaý úshin shıkizat arnaıy qorapqa salynady. Ústine jelim jaǵylyp, skanerlenedi. Onyń ústine chıp ornatylyp, bekitilip, dánekerlenedi. Osydan soń birinshi test (tekserý) úlkeıtkish áınekpen (lýpa) jasalady. Ol ary qaraı satylaı bir jumysy bitken soń avtomatty túrde ekinshi, úshinshi satyǵa ótip, qyzmetkerlerdiń qatań baqylaýymen iske asady. Kelesi saty tańbalaý (markırovka), kesý (birneshe modýlder qaz-qatar qoıylyp jasalǵan ónim jeke modýlderge bólinedi), odan arnaıy tartpaǵa (lotokqa) kelip túsedi. Osy tusta kózben sholyp, baıqap tekserý (vızýalnyı test) jumysy jasalyp, kólemi ólshenedi. Taǵy da tekseris. Endigi kezekte baǵdarlamalaý jumysy (programmırovanıe) sonan soń tigý (proshıvka), qaıtadan kózben sholyp, baıqap tekserý, sapasyn tekserý (arnaıy mamandar alyp qaraıdy, onyń ózi eki jolmen elektrlik jáne kosmetıkalyq), baılaý, orap, túıý jasalynyp, qoımaǵa jiberiledi. Ónim daıyn. Bir tapsyrysty oryndaý úshin 3-4 kún ýaqyt jumsalady. Al eger shuǵyl tapsyrystar kezdesken jaǵdaıda 1 kúnniń ishinde daıyndap beredi.
Jadynyń bir jaq beti jasalǵan soń, týra sol prosespen ekinshi jaq beti daıyndalady.
Ónimdi qorapqa salý, orap, túıý bárin avtomattandyrylǵan mashınalar jasaıdy. Al ony tapsyrys berýshi kelip, nemese seriktes kompanıalar jáne logıstıkalyq kompanıalar arqyly belgilengen jerden ıaǵnı qoımadan alyp ketedi. Orason zor zaýytty aralap bolǵan tusta, búginde adamı faktordy avtomattandyrylǵan mashınalar almastyryp keletindigi baıqalady. Degenmen, bul oıymyzben zaýyt basshylyǵymen bólisken tusta adamı kapıtal, adamı faktor tolyq eshqashan avtomattandyrylmaıtynyn, bunda da adam kómegimen iske asatyn, mashına jasaı almaıtyn jumystyń kóptigi tilge tıek etildi. Qyzmetkerler avtomattyń durys jumys isteýin qadaǵalap, qajet jerin túzep otyrady eken. Osy oraıda zaýyttyń platty montajdaý joǵarǵy lınıasynyń tehnıkalyq qyzmetkeri Ketı Iangpen jáne testileý boıynsha ınjener Patrısıa Djınmen áńgimelesýdiń sáti tústi. Bizdiń birneshe suraǵymyzǵa Ketı Iang bylaı dep jaýap berdi: «Men tehnıkalyq qyzmetkermin. Mindetim osy lınıa mashınalarynyń jumysyn qadaǵalaý. Aqaý dabyly bolǵan jaǵdaıda, men ony taýyp, jóndeýim kerek. Al kompanıada 8 saǵat jumys istegenderge ystyq tamaq tegin beriledi, eger ústeme jumys bolsa, eki mezgil tamaq beriledi. Sondaı-aq, qyzmetkerlerge tegin avtobýs, al jeke elektrli motosıklmen keletinderge kólik turaǵynda tegin qýattap beredi. Ol da úlken kómek». Al Patrısıa bolsa kompanıada 12 jyl qyzmet etip keledi eken. Bul jerde úırengeni kóp ekenin, áli de izdenip, jańa múmkindikterin damytyp, jumys, áriptester bári bir-birine qamqorlyqpen qarap, basshylyq tarapynan da únemi otbasylyq jaǵdaı bolsyn, jumys babymen bolsyn qoldaý kórsetilip turatyndyǵyn aıtty.
Qazaqstanǵa tek Shanhaı qalasynan emes, kompanıanyń barlyq keńselerinen taýar ákelinedi. Ónimniń kóp bóligi bizdiń elge Taıvannan jetkiziledi eken.
Kompanıa týraly qysqasha qosymsha aqparat:
Kingston Technology Inc. zaýyty – derekterdi saqtaý qurylǵylaryn shyǵarý boıynsha álemdegi eń iri óndiris bazasy. Sondaı-aq, bul Kingston-nyń barlyq óndiris alańdarynyń eń úlken bóligi. Kingston Technology Inc. zaýyty (Shanhaı qalasy, Qytaı) 2001 jyly negizin qalaǵan jáne «Pýdýn» áýejaıynan 45 km Shanhaı qalasynda erkin saýda alańynda ornalasqan. Shanhaıdaǵy dúnıejúzilik jad alybynyń aýdany 25 000 sharshy metrdi quraıdy, onda kúndelikti SMT (qurastyrý jelileriniń) 18 óndiristik konveıerde 1000 adamnan turatyn qyzmetkerler quramy jumys isteıdi. Kingston Technology Inc. zaýyty ValueRAM jáne ózge operatıvtik jad (serverlik, oıyn jáne t.b.) modýlderin shyǵarý men testileýge, SSD jáne keıbir flesh-jad túrlerin tolyq testileýge (SSD jáne flesh-jad boıynsha óndiris kúshteri Taıvandaǵy zaýytta ornalasqan) beıimdelgen. Kingston Technology Inc. kompanıasynyń tórt óndiris keshenderiniń biri (Shanhaı, Shendjen, Taıvan, AQSH).
Kingston Technology Inc. 1987 jyly Djon Tý jáne Devıd San ınjenerlerimen qurylǵan. Búgingi tańda Kingston derekterdi saqtaý qurylǵylaryn óndirýshiler arasyndaǵy dúnıejúzilik kóshbasshy (46,2%, onyń ishinde 40% Dell, Sony, HP, Aser, Asus, Toshiba, IBM álemdik óndirýshlier jáne ózgeler úshin). Kingston ónimdi óndirgenge deıin jáne keıin testileýdi alǵyshqy bolyp engizgen, bul brendtiń ańyzǵa aınalǵan sapa senimdiligi mártebesin qamtamasyz etti. Kingston derekterdi saqtaý qurylǵylarynyń birneshe baǵyttaryn shyǵarady. Kompúterlik jadtyń ártúrli modýl túrleri ValueRAM – salalyq standarttarǵa sáıkes kelý úshin jasalǵan jáne testilengen, jad modýlderi. HyperX – geımerler úshin arnaıy jasap shyǵarylǵan ónim serıasy. Flesh-jad (SSD, USB, MicroSD, MiniSD, media reader/writers jáne t.b.). Qazaqstanda KingstonTechnology Inc. kompanıasy 2006 jyldan bastap usynylǵan, alaıda naryqta tek 2012 jyldan bastap berik qyzmet ete bastady.
Eńlik AQJİGİT
Almaty-SHanhaı-Almaty
