«MAKSAT Med» polıklınıkasynyń dırektory, medısına ǵylymdarynyń magıstri, eresekter jáne balalar nevropatology, ıgloterapevt, joǵary sanatty dáriger Maqsat Ábdiqadyrulymen suhbat.

-Assalaýmaǵaleıkým, aǵa. Oqyrmandarǵa eń aldymen medısınalyq ortalyq týraly aıta otyrsańyz.

-Ýaǵaleıkýmassalam! «MAKSAT Med» medısınalyq ortalyǵy 2011 jyly 1 mamyrda Almaty qalasynda qurylǵan bolatyn. Sodan beri halyqqa óz qyzmetin usynyp keledi. Osy kúnge deıin ortalyqqa 55 myńnan astam adam kelip, em aldy. Olardyń ishinde tek Almaty turǵyndary ǵana emes, elimizdiń basqa oblystarynan, TMD elderinen, Qytaıdan arnaıy kelip em qabyldaǵandar bar. Ortalyqta júıke júıesi, júrek-qantamyr, asqorytý, zár shyǵarý júıeleriniń aýrýlaryn, gınekologıalyq jáne erler aýrýlaryn,ártúrli genezdi alergıalardy, stomatologıalyq, somatıkalyq jáne t.b aýrýlardy emdeımiz.

- Endigi suraǵym jeke menshik medısınalyq ortalyǵyńyzdyń memlekettik polıklınıka bolýy týraly aıtyp berseńiz?

Qazaqstan Respýblıkasynyń  Prezıdenti Nursultan Nazarbaevtyń 100 naqty qadam baǵdarlamasynyń 81-qadamynda: «JEKE MENSHİK MEDISINANY DAMYTÝ, MEDISINALYQ MEKEMELERGE KORPORATIVTİK BASQARÝDY ENGİZÝ,  memlekettik medısınalyq uıymdardy jekeshelendirýdi yntalandyrý, memlekettik emes uıymdar arqyly tegin medısınalyq kómektiń kepildendirilgen kólemin berýdi keńeıtý» týraly  atap kórsetilgen.

Osyǵan sáıkes, halyqqa sapaly jáne ýaqytyly medısınalyq kómek kórsetý úshin Qazaqstannyń barlyq óńirlerinde Medısınalyq sanıtarlyq alǵashqy kómek (ári qaraı MSAK) kórsetetin densaýlyq saqtaý sýbektilerine Qazaqstan Respýblıkasynyń azamattary jáne  oralmandar  óz erkimen tirkelip jatyr.

 2017 jyly Almaty qalasy boıynsha MSAK kórsetetin densaýlyq saqtaý sýbektisi retinde Qazaqstan Respýblıkasynyń azamattaryna jáne  oralmandarǵa medısınalyq qyzmet kórsetetin jabdyqtaýshylar tiziminde «MAKSAT Med» medısınalyq ortalyǵy da bar.

-Túsinikti. Al, bul polıklınıkaǵa halyq qalaı tirkele alady? Ol úshin ne qajet?

MSAK uıymdaryna tirkelý azamattardyń turaqty nemese ýaqytsha turatyn mekenjaıy, jumys isteıtin mekemesi, oqý orny boıynsha júzege asyrylady. Azamat MSAK uıymynyń bireýine ǵana bekitiledi.

-Tirkelý úshin qajet qujattar týraly da aıta ótseńiz?

MSAK uıymyna bekitý erkin nysandaǵy ótinish pen jeke basyn kýálandyratyn qujat (jeke kýáligi, pasport, týý týraly kýálik, yqtıarhat nemese oralman kýáligi) negizinde júzege asyrylady.

-Polıklınıkada halyqqa qandaı qyzmet túrleri kórsetiletin bolady?

Medısınalyq sanıtarlyq alǵashqy kómek tómendegi qyzmetterdi  qamtıdy:

-dıagnostıkalaý men emdeý, tegin medısınalyq kómekke kepildik berilgen kólem sheńberinde dárilik zattarmen qamtamasyz etý; 

-profılaktıkalyq is-sharalardy, aýrýlardy erte anyqtaý maqsatynda skrınıngtik zertteýler júrgizý, negizgi ınfeksıalyq aýrýlarǵa qarsy ekpe jasaý;

-  halyqtyń gıgıenalyq saýattylyǵyn arttyrý, ınfeksıalyq aýrýlar oshaqtaryndaǵy epıdemıaǵa qarsy (profılaktıkalyq) sanıtarlyq is-sharalar júrgizý.

-Kórsetiletin qyzmet túrleriniń aqysy qandaı bolmaq?

Kepildik berilgen kólemdegi tegin medısınalyq kómek Qazaqstan Respýblıkasynyń azamattaryna jáne oralmandarǵa  búdjettik qarjy esebinen beriledi jáne profılaktıkalyq, dıagnostıkalyq jáne emdik medısınalyq qyzmetterden turady.

-Polıklınıkanyń meken jaıyn aıta ketseńiz?

Bizdiń meken jaıymyz: Almaty qalasy, Aqbulaq  yqsham aýdany, Momyshuly men Rysqulov kósheleriniń qıylysy. Tel: 225 70 07, 8 707 666 00 28,  8 777 666 00 18.  Elektrondy pochta dr_maksat@mail.ru

Tolyq málimetti maksat.kz. saıtynan bilýge bolady.

-Suhbatyńyzǵa rahmet!