Almaty oblysy Uzynaǵash kentiniń bazaryna mal ákelip, joǵalǵan úsh jigitti izdegen eriktiler Jambyl aýdandyq İİB ǵımaraty aldyna jınalýda, - dep habarlaıdy Qamshy.kz.

Búgin joǵalǵan jigitterdiń týystary úsh azamattyń bazarǵa alyp shyqqan 40 bas malynyń 33 basy tabylǵany týraly habarlady.

Polısıa búgin saǵat úshte joǵalǵan jigitterdi izdeý jumysynyń nátıjesi týraly eriktilerge málimet beretini aıtylǵan. Qazir aýdandyq İİB ǵımaraty aldyna joǵalǵan jigitterdiń týystary men dostary, eriktiler jınalýda. Ondaǵy halyqtyń uzyn sany 200 adamnan asady. 

Joǵalǵan jigittiń biri Jarqynnyń ákesi "İzdemeı jatqan joq, halyq bolyp izdep jatyr. Dúnıeniń keregi joq, tek qana azamattarym aman bolsa...", - dep otyr.

Esterińizge salsaq, 1979 jylǵy Doldanuly Jarqynbek, 1973 jylǵy Zarlyhanuly Muqıat pen Álimhan Qadylbek esimdi jigitter Shyǵys Qazaqstan oblysynyń Tarbaǵataı aýdanynan 40 bas mal satyp alyp, ony eki júk kóligimen 17 qyrkúıek, senbi kúni, Almaty mańyndaǵy Uzynaǵash bazaryna shyǵarǵan. Sodan beri týystary ol azamattardyń esh habaryn bile almaı otyr.

Keshe joǵalǵan azamattar mal tıep ketken eki kóliktiń tabylǵany týraly jazǵan bolatynbyz.

Erlan Tóleýbaı