Qyrkúıek aıynyń 18-inde Almaty oblysy Jambyl aýdanynda úsh birdeı azamat joǵalyp, 24 qyrkúıek kúni olardyń qylmyskerler qolynan qaza tapqany málim boldy. Sol úsh azamattyń biri Qadylbek Álimhanulynyń ustazy Qusyman Áýezov qıyn sátte týǵan qos óleńin redaksıamyzǵa joldapty.

Qadylbekti izdeý

Qadylbek qarǵam barmysyń,

Bar edi tulǵań nar musyn.

Allaǵa tilek qylamyn,

Túspesin saǵan jan qysym.

Joldasyń, jorań ózińmen,

Sezgenem baqyt kózińnen.

Qalaı bir qastyq saılady,

Bezbúırek, sumdar, bezingen.

Jigerim qum bop otyr-aý,

Jete almaı seniń qasyńa.

Qutylǵan aýyr tirlikten,

Kórgende kúniń osy ma?!

Japany tartyp bir kezder,

Degende endi jettim-aý.

Qazaq dep shirkin, qarǵam-aý!

Ákeńdeı senip kettiń-aý,

Baýyrym aman bolsa eken,

Ótedi-aý, dúnıe oı degen.

Sapty aıaqtan as ishseń,

Sabyna qaraýyl qoı degen.

Úsh birdeı qaıren bozdaqtar,

Bir Alla ǵana jar bolsyn.

Jarqyldap turǵan júzińdi,

Kóretin kúnder bar bolsyn.

Eljirep jatqan eliń bar,

Jamyrap jatyr jaqynyń.

Sen úshin aıǵaı salyndy,

Sen úshin shyqty batyl ún.

Aý basta jazǵan mańdaıǵa,

Teleıiń, qutyń, baq, qaıǵyń.

Bolyńdar aman baýyrlar,

Allaǵa amanattaımyn.

2016 jylǵy 23 qyrkúıek, juma

Kóńil aıtý

Jetpeı keti-aý, amal ne armanyna,

Kónesiń Alla basqa salǵanyna.

Baıan tirlik bereke, birilik ber,

Týǵan-týys, bala-shaǵa, qalǵanyna.

Aǵalar aıtty aqyl qup alatyn,

Armanyń ala taýdan qulamasyn,

Arqaly el, ata zań turǵanynda,

Jegenin jelkesinen shyǵaratyn.

Sabyrdan sanańyzǵa kúsh kese eken,

Birlik bereketiń ústese eken,

Jetesiz jel ókpeniń qylyǵyna,

Aǵaıyn arańa jik túspese eken.

2016 jylǵy 24 qyrkúıek

Qadylbek Álimhanulynyń ustazy Qusyman Áýezov