Round by Round Boxing portaly qarsylastaryna úreı týǵyzatyn eń qorqynyshty úsh boksshynyń tizimin jasady, dep habarlaıdy Qamshy.kz Qazaqparat saıtyna silteme jasap.

Bul tosyn tizimde qazaqstandyq Gennadıı Golovkın kósh bastap tur, onyń qorjynynda kásibı rıngtegi 36 jeńis (33 KO) bar jáne eshqashan jeńilip kórmegen. Ekinshi orynǵa portal jýrnalıseri reseılik boksshy Sergeı Kovalevty (30-0-1, 26 KO) qoıǵan, al úshinshi oryn - amerıkalyq Terens Kroýfordqa (29-0, 20 KO) tıesili.

«Orta salmaqtaǵy WBA, IBO, WBC jáne IBF belbeýleri bar Golovkın boks álemindegi eń tanymal esim. Ol eń qaýipti boksshy ekenin dáleldedi jáne tek qana úzdiktermen judyryqtasqysy keledi. Kóptegen qarsylastar GGG-men kezdesýden qashyp, ataqtarynan bas tartady», - dep jazdy basylym.

Golovkınniń bapkeri Abel Sanches kelesi aptada Gennadııdiń jattyǵýǵa oralatynyn jáne jeltoqsanda ótetin kezdesýge daıyndalatynyn habarlaǵan edi.