Reseı Federasıasynyń federaldyq qaýipsizdik qyzmetiniń málimeti boıynsha, keme Japon teńizindegi Reseıdiń ekonomıkalyq aımaǵyna kirip ketken. Bul týraly Bı-Bı-Sı habarlaıdy.
Soltústik Koreıa kemesin atqylaý barysynda toǵyz adam jaralanǵan, bireýi artynan kóz jumǵan. Sondaı-aq Reseı shekarashylarynyń biri kemeni qaraý barysynda basynan jaralanǵan.
"Dae Iang 10" kemesi jergilikti ýaqyt boıynsha 16:55 –te ustalǵan. Málimdemede kórsetilgendeı, bortta Soltústik Koreıanyń 48 azamaty bolǵan. Olar shekarashylardyń talaptaryna moıynsunbaǵan. FSB-nyń málimdeýinshe, Reseı shekarashylary birneshe ret eskertý retinde oq atqanyna qaramastan keme baǵytynan taımaǵan.
Kemeni tekserý barysynda zańsyz alynǵan bıoresýrstar tabylǵan. Keme komandasy tekserý kezinde qarsylyq kórsetken.
